我和主人的故事: 第十三章 想通了

今日突然想起,好多人接電話時會講咗自己名先,主人尋晚所講的Edmond,可能就係佢自己個真名…假設edmond係佢真名,derek呢個名係佢平時用嚟行走江湖,或者隨口作出嚟上網識人的,所以佢要我叫佢主人…可能唔想聽到第二個男人名,冇咁投入。

再細心想想,本來我同佢就係上網識,擺明係SP甚至ONE NIGHT就拜拜,係我諗得太多,以為去下旅行就可以發展,我真係傻喇。

諗通咗之後,全個人都放鬆哂,咁既然大家只係SP,以後都要佢用套,反正尋晚用套的感覺分別不大,就唔再日日食藥喇。

放工前老闆話有個客的公司聽晚ANNUAL DINNER,預咗我哋公司兩個位,本來係經理Rachel同sales阿軍一齊去,但阿軍今日sick leave,打返嚟話腸胃炎,聽晚都去唔到,所以就由我同rachel代表公司去喇!呢間公司唔係我哋大客,所以當晚有人出席就得,聽講佢哋搵咗女職員著住公司product行catwalk,以我所知,佢地主要做泳衣,聽晚有好嘢睇了。

出嚟做野大半年,而家係我第一份工,今次亦係我第一次參加annual dinner, Rachel話放工時可以陪我去買衫,我好開心咁應承咗,Rachel大約30歲,工作能力同人際關係都好好,我要以佢為榜樣！！佢帶我去買咗條黑色連身裙,佢話一般場合咁樣著,加多對高踭鞋,配一兩件簡潔的飾物,足以應付普通的應酬。



當晚我同rachel準時去到,果然比rachel講中,我哋坐到近門口位,完全唔重要的位置,佢話如果同檯冇靚仔,食飽就走得。唔知算唔算好彩,同檯有兩個男人幾好樣的,rachel好開心咁去交換卡片,而我只係個小小的助理,就同隔離位的女仔傾下計就算喇。個女仔應該大我兩三年,叫做Queena,佢話老闆唔得閒,只有佢一個代表公司,佢幾健談,又係鍾意做下手作,我地好快就交換咗電話,可能會做到好朋友呢。

晚宴正式開始,我隱約聽到個MC介紹間公司個ADMIN CATHY出場,原來做ADMIN咁慘,連呢D都要做…..