我的她的大家的故事: 第四十一章 陸運會3

周文就同我地講佢同詩文自己吃，我地兩個聽到之後，Emily就話：我地兩個去吃啦，我想吃鐵板啊，行啦行啦。講緊個陣，仲要拉住我隻手係度扮跑。我個腦突然之間閃左句說話出黎：一句可愛又活潑嘅女朋友，可遇不可求啊。跟住我地就行左去隔離商場到吃鐵板。坐低左之後，Emily突然之間伸個頭埋黎講：咦，我今日係咪好勁啊，講啊講啊。跟住隻手就叉落我塊面到，我就梗喺話：勁啊勁啊，哥哥今日請你吃飯好無？跟住佢就好似陰謀得逞笑左下講：嘻嘻，多謝哥哥。叫左兩個鐵板，吃飽飽之後，我就話：傻妹，陣間你仲有無比賽啊。佢就話：嗯，好似無啊，做咩啊？我就話：無，我陣間有200米初賽啊，所以陣間翻到去就要開始熱身啦，200完左跟住又要去跳遠，好多野做。跟住佢就挨埋黎講：我陪你一齊熱身啦。我點左下頭，跟住就慢慢行翻去。
 
翻到去運動場之後，我攞翻部Walkie talkie之後，就聽到林sir係部機到call我：林sir叫啊恆。我就call翻：林sir say啊。林sir叫我去控制室到開會窩。跟住我就同Emily講：林sir叫我去開會啊。跟住佢就話：去啦，如果唔係又鏟你架啦。跟住佢就自己行左去搵大炮佬佢地。入到去控制室，我見到高層全部係度，我心諗：哇屌，照肺照到好齊人窩，呢鋪吃叉燒吃飽飽囉。果然，入到去就肺到啊媽都唔認得，哎，吃叉燒吃到飽上心口啊。肺完之後，我就去更衣室換翻衫，準備跑200初賽，我突然feel到我隻右腳好似唔係好掂，不過我最後都係無理到。司令台叫左召集之後，我就慢慢行過去，跟住我就見到樂仔，我就同佢吹陣水：喂，係度做咩世界大事啊你？佢就話：工作人員啊，再多多爹，陣間拆左你個起跑器啊啦。我就費9是彩佢。200米開跑，都係輕輕鬆鬆跑到小組第一。跑完就即刻去跳遠，跳遠今日就可以有牌攞，我就梗喺想攞金牌啦，所以我就出全力去助跑，跟住起跳，跳左4米2。呢個成績可以直接頒獎啦，果然啦，男甲跳遠第一係我啦，不過大會記錄就真心變態，個記錄1977年跳左5米3。攞左牌之後，Emily就行過黎同我講：等埋我啦，到我攞牌啦。跟住就到Emily上台攞獎啦，攞完牌之後，佢就話：我同你影張合照啦。叫做周文幫我地兩個影左張相之後，跟住第一日所有項目都已經完成，學校就開廣播：請初中同學跟老師指示離開運動場。跟住我就去perfect到整完野之後，Emily就話：今晚我上你屋企吃飯得唔得啊。我就話：ok，我同啊媽講聲先。
 
到左夜晚，Emily就上左我屋企啦，今晚屋企又好齊人窩，就大家開開心心吃飯啦。我阿爸就成日講笑話惹我阿媽笑架啦，所以我有幽默可能都係繼承我阿爸基因掛，吃飽飯，我就同Emily洗碗啦，佢洗碗個陣時就話：Uncle真係好搞笑啊。跟住我就話：係啊，所以我點解好搞笑就係咁。跟住佢就翻白眼。之後我就送左佢返屋企。到佢屋企樓下，我就同佢講：好啦，聽日可以休息一日啊，想去邊度啊。佢就話：嘻嘻，聽日訓醒先算。我就話：好啦，快手上翻去啦，byebye。跟住佢同我揮左下手，就入左去。