我的她的大家的故事: 第三十九章 陸運會1

話咁快就到星期四，陸運會就開始啦。我作為head perfect。就梗喺要一大早翻到學校，又要整呢樣，整個樣，得一個字可以總結到要做嘅野，就係煩字。點樣講都好，都係要做架啦，不如快快手做完去看台偷雞好過啦。我就7點鐘到左運動場，我放底我全部野係望社看台之後，我就落翻去條大路到，開始同訓導處協調下陣間點樣安排人手，同埋陣間集會企位安排，講下講下就到7點半，perfect基本上都翻到運動場，我就同副head同埋小隊長開會，同班友講：聽住，陣間7點45分可以開始放人入，唔該小隊長同啊生（其中一個副head）調配入手個陣，調8個綠牌去門口，跟住啊瑩（另一個副head）帶4個綠牌去協調各班位置，跟住我會帶兩個綠牌跟我坐台，唔該你地檢查好其他同學運動服，如果違規，叫佢地黎我到記名，其他綠牌，就麻煩阿輝（正head）帶住其餘40個綠牌舉班牌，至於點安排就啊輝同啊瑩兩個協調，無問題就可以ready下，唔該嗮大家。
 
跟住我就帶住兩個新仔跟我，45分準時開門，跟住都唔係兩分鐘，已經有7個要記名，其中有周文，我就話：喂，咩料啊你，我琴晚先提完你，套野比賽先換啊嘛。跟住條友就話：喂，通融下啦。我就話：你問下我後面個兩個囉，我後面個兩位就自然係訓導啦。跟住條友無聲出，記完名之後，就去左4B到排隊，跟住8點05，我就攞Walkie talkie同門口講：可以啦，後面全部當遲到。都唔洗五分鐘啊，跟住我張檯前面就多左好多人，全部都係遲到。
 
跟住就開始按社上看台，通常好多人上左看台係唔可以行黎行去，但係高中就好少人理，所以初中同學仔係慘小小架啦。上左去之後，我就望左下時間表，B grade100米11點先開始，我就梗喺行過去誠社搵Emily架啦，我就叫埋周文一齊去誠社到搵佢地啦。去到之後，我望左下女B 400米幾點，咦，第二場窩，我就同佢講：喂，靚妹，行啦，落去熱身啦。跟住佢就話：等我吃埋先啦。我就話：唔好吃太多啊，你陣間跑個陣係咪想嘔啊。跟住佢又扁嘴話：好啦，我跟你落去熱身啦。我攬住佢講：陣間你跑完，我請你吃野好無，乖乖地去熱身。跟住佢開心點左下頭。
 
落到去熱身跑道，我就同佢一齊熱身，我就同佢講：一定要拉筋，我幫你啦。當然啦，我幫佢拉，就梗喺會比平時辛苦好多架啦，我就同佢講：一係我就幫你拉，陣間跑得舒舒服服，一係就宜家試但拉，陣間跑緊個陣抽筋。跟住佢聽到之後，佢就話：我唔要抽筋。我就同佢講：咁就乖乖地拉筋。