我的她的大家的故事: 第二十九章 旅行日1

第二日朝早，我就一大早起咗身，點解要咁早起身，問得呢個問題，通常都係無睇前面啦。好，回歸正題啦。今日就6點45分去到Emily屋企樓下啦。一樣係吃西北風啦，無辦法啦，鬼叫佢住得高咩，住半山腰。我就等咗大概10分鐘左右，就見到一個上身著住運動服，下身著黑色牛仔褲嘅女仔，係度蒙下蒙下行緊出黎。佢見到我之後，就行過黎話：唔，我好眼訓啊。跟住就欖實我係度搖頭。我就話：行啦，翻學校啦，今日去玩咋，上車訓陣啦，琴晚又玩到好夜啦。跟住我就望住佢。佢就扮無野。
 
上咗巴士之後，我就收咗佢部電話，就話：眼訓就訓陣啦，乖，陣間落車先卑翻你。跟住佢就挨咗落黎，唔洗三分鐘，就訓著咗。翻到學校之後，我就同班主任商量陣間啲野點樣安排陣間到咗赤柱之後，活動點樣安排。呢度就會有好多人問啦，呢啲野唔係主席做架咩，係，呢啲野係主席做，但係你都要睇下邊個架。主席係我女朋友，我又係內務副主席，我咪做埋佢咯。同班主任商量好嗮啲野，就等學校叫上車架啦。通常我地去遠個啲班級，就會行先，果然啊，我地中四係第一班出車。
 
到咗赤柱之後，我地班就我安排係邊度燒烤啦，其他班關我鬼事咩，不過陣間玩開咗之後，樂仔班友就會過黎我個爐到架啦，呢班友我識咗三四年，總唔知佢地玩咩花款咩。好，我安排完之後，就行翻去Emily佢地個爐到，Emily就即刻問我：勤奮嘅副主席，你想吃咩啊。我就話：你想吃咩啊，我燒畀你啦。跟住佢就話：唔制啊，我要燒畀你吃。跟住我就話：好啦好啦，我地一齊燒啦，你燒咩我都吃架啦，你想吃咩先。跟住佢心滿意足講：好啦，我想吃豬扒啊。我就話：好啦，我宜家燒啦。