我的她的大家的故事: 第二十六章 生病3

換好衫之後，我就拖住佢落樓下，去咗睇醫生，入到醫務所，我就話：唔該，約咗兩點睇醫生，名係張學雯。跟住護士就問我攞Emily張身份證，跟住就叫我地去等下先。我見到醫務所其實都好多人下，又係嘅，呢啲天氣時冷時熱，好多人都會病，我同Emily等緊個陣，Emily就挨係我度訓咗陣，等咗15分鐘左右，就到Emily啦，我就同佢入咗去見醫生。
 
其實都唔洗10分鐘，就已經搞定咗，跟住就出去等攞藥，Emily有7隻藥要吃，300蚊左右，其實就唔算貴。出咗醫務所之後，呢個傻妹同我講：我遲啲叫我媽咪俾翻錢你啊，300好貴啊。我就話：得啦，錢呢啲野遲啲先講啦，你宜家要休息先，知道無。跟住佢就話：得啦，但係要應承我先，你要收翻今日睇醫生啲錢先，得唔得。我就話：得啦，知道啦，啊B。跟住佢笑笑口話：嗯，你好乖啊，BB。我就話：我幾時都咁乖啊我。跟住佢笑到好甜話：又口花花啊你。
 
跟住就陪佢上翻屋企之後，佢突然之間我：BB啊，你今晚得唔得閒啊。我就問：做咩啊，今晚無咩野做，要我陪你啊。佢笑笑口，跟住欖住我話：咦，你真係好醒目啊，肯定係同我拍拖之後先變醒目。我就翻咗一下白眼講：我都知道無咩好野架啦，係度讚自己。佢就話：嘻嘻，你係我今年最好嘅禮物啊。我就話：得啦，行啦，入房去休息啦，有野就行出黎搵我拉。跟住佢就做咗個OK嘅手勢，就入咗房。
 
好啦，陪Emily睇完醫生之後，我就開始做我自己嘅功課，做下做下就訓著咗，等我再醒翻個陣，我身上多咗張被。我見到Emily間房門開咗，我就行埋去，見到佢係度寫緊野，我就唔吵佢啦，就走咗去廚房，煮野俾佢吃。吃完野之後，我就陪到佢10點鐘左右，我就同佢講：我翻去拉，你有事就call我啦。跟住佢個陣時係歎係張沙發到，就講：好啦，你翻去休息下啦，多謝你照顧我一日啊，BB。我就話：知道啦，唔係窩，你吃咗藥沒啊，沒吃就快d吃，吃咗就宜家上床。跟住佢就話：得啦，得啦。佢上咗床之後，我就話：我走啦，有事call我啊。跟住佢俾咗個ok我，我就出咗門口，翻屋企。
 
翻到屋企，我老媽子就問我：喂，靚仔，今日拖住個女仔係邊個啊。我就話：同學咯。我老媽子就話：得啦，我同你老豆的見到架啦，拍拖還拍拖，書要讀啊，仲有啊，記住對個女仔好d啊。我話：得啦，我去沖涼啊。沖完涼之後，就見到Emily send wts俾我，就話：BB啊，我訓覺啊，今日多謝你啊，你真係好可愛啊，goodnight。我就話：知道啦，你要好好照顧自己啊，我聽日先再上黎啦，乖啦，goodnight。