我的她的大家的故事: 第二十三章 定情

之後我地就出咗翻去大埔市區，跟住我就同周文講話：我地陪咗你地去還車先啦，費事陣間過咗時間啦。周文就話：好啦，我地陣間吃咩啊。我就話：呢到你地頭，你話事啦。跟住詩文就話：我帶你地去一個地方吃野，我成日同我屋企人去個度吃野。我就話：好啊，我吃咩都可以。Emily都點咗下頭。
 
跟住我地陪咗兩公婆還車之後，就行咗十分鐘左右，去到一間應該有小小歷史嘅西餐廳，至於名我都係保密啦。因為間野野食都好大碟，所以，Emily吃咗四分三左右，就話飽咗，我就幫佢吃埋。跟住就同Emily慢慢踩翻去。翻緊去個陣，Emily問我：你點解今日會突然之間跳落去幫手？我就話：自細啊爸就話，見到有需要幫嘅人，就要幫下手，做咩咁問。佢就話：無啊，其實我個陣好擔心你個陣，我知道你有呢方面嘅技能，但係我都仲係好擔心，因為你落去個陣，咩裝備都無，你有咩事，你屋企人點算啊。其實我個下都好暖下，因為佢第一時間係關心咗我屋企人嘅感受先。我就話：放心啦，你男朋友我有技術有實力。跟住佢就笑笑口話：口花花啊你。
 
8點鐘左右，我地翻到屋企樓下，跟住我就話：去河邊幫你鬆下腳？跟住佢就話：好啊。我地兩個就準備行過去個陣，佢就突然之間抽筋，跟住我見到個下，就即刻去扶住佢：邊個位抽筋啊。佢就係度講：好痛啊。跟住我見到佢指住小腿個位，我就抱起咗佢，行埋一邊，跟住就同佢講：你乖乖坐係度，我幫你按鬆隻小腿。跟住佢點點頭，個頭挨咗落我到。我就開始幫佢按。第一下按落去，佢就啊咗一下，跟住扁嗮嘴話：好痛啊，可唔可以細力小小。講野嘅同時用又比劃咗一下，我就話：好啦。跟住兩個坐係度半個鐘，我就話：你係度等我陣。我就將架車放翻去屋企樓下個保安亭到，個保安同我好熟，我就話：九叔，我架車放係你度一陣。九叔就話：喂，恆仔，好啊，九叔幫你睇住架車。我就講：唔該嗮九叔。
 
跟住我就一支箭衝落去接翻Emily，過程5分鐘左右。我就同Emily講：我咩你翻去啊，上黎啦。跟住我同慢慢行咗翻去，行到佢屋企樓下個陣，我就話：遲小小見啦，啊B。Emily就話：遲小小見啦，我會掛住你架。跟住就kiss咗我個嘴一下，佢就行咗入去大堂。我仲傻下傻下咁企咗係度，過左一陣，我先慢慢行翻屋企。