我的她的大家的故事: 第二十章 感恩

好啦，話咁快，就考完試啦，跟住就梗係派成績啦，我對數學同文科非常有信息，至於其他科就哦吼架啦應該，哈。今日係星期一啊，又係痛苦嘅一個星期開始啊，朝早就指定動作等Emily翻學架啦。我同Emily宜家翻到學校門口個陣就會放開大家嘅手，平時如果返學放學，坐車個陣，都會拖實大家對手。呢個傻妹話：我好驚拖完今次之後，之後就無得拖啦。我就話：傻妹，點會無得拖啊，我地差唔多日日見，點會以後的見唔到啊。不過，當我大學畢業，係（花灑）消防及救護學院結業之後，係一次交通意外入面，我救翻兩個隔離班嘅同學，好可惜，其中一個去到醫院個陣已經救唔翻，後面我先知道，佢地兩個原來仲有一個月左右就結婚，當時我就覺得好可惜。回歸正題。翻到學校之後，就梗係開始派卷啦。
 
第一堂就係中史堂，我就同Emily慢慢行落去，跟住就梗係上堂派卷啦。中史老師話：恆哥，好耶窩，全級第一窩。我就話：梗係啦，miss，我文科天才…。我都未講完，miss就話：哎得啦得啦，你都係翻位啦。跟住Emily就話：咦，副主席，好勁窩。我就話：梗係啦，主席，文科天才唔係白叫架。跟住佢就翻咗我一下白眼。
 
下一堂就係英文堂，Emily陰陰嘴笑話：你估下你會唔會及格啊。我口到就梗係話：梗係會及格啦。其實心入面就覺得危危地啊。等到英文miss黎個陣，見到佢伶住卷，個心就開始跳得越來越快。去到後面，開始慢慢出成績。去到出大分個陣，我係超級緊張，最後出個分，51分，哇我開心到啊，跟住Emily就話：請我吃飯。跟住我就話梗係好啦。
 
中午個陣，就同佢去吃茶記，跟住佢就話：副主席，英文及格窩，係咪好開心先。我就話：梗係啦，多謝你啊，啊B。跟住就話：以後要一起加油啊。我就話：好啊，以後請多多指教啦。