我的她的大家的故事: 第十五章 放假日常

第二日，因為正日玩得太夜，搞到第二日差唔多12點先起身，起咗身就開始做功課，至於功課，我就梗係唔識做啦。就梗係問Emily啦，話嗮佢係我地班學霸。我作為學霸嘅男朋友，就梗係有特權架啦，我就打電話搵Emily：喂，啊B早晨啊，嘿嘿。佢就話：做咩啊副主席。我就話：我有小小功課唔係好識做啊，嘿嘿。佢就笑嗮口話：咦，又黎啦，好啦，陣間上黎你屋企教你做功課啦。我就即刻話好啦，搵到個咁樣嘅女朋友，真係三生有幸啊。
 
過左大概半個鐘左右，屋企門鈴就嚮咗，我就梗係知道我個救星黎咗啦，就梗係即刻去門口歡迎啦，我就話：歡迎大佬光臨草堂，嘿嘿。跟住佢笑嗮口話：係度口花花啊你。入到屋就問我：咦， 你屋企無人啊。我就梗係話：無啦，要返工養家啊，嘿嘿。佢就話：咁我地開始啦，跟住就開始搞我啲英文功課，當我做完英文功課個陣，我張臺亂到七國咁樣，我就頭都大埋，我見到我本notes原本係空架，宜家，起碼滿咗半本啊。跟住Emily就同我講話：你啊，考試之前要溫嗮啊。我就話：盡量啦，應該得掛。跟住就一齊做埋其他功課，數學係我強項，所以，我地嘅學霸都會問我數學同中史，小弟中史基本上係全級第一狀態多年，一直到我高中畢業都係。
 
做嗮功課的就快6點啦，我就話：啊b，洗唔洗陪你吃飯啊，我屋企今晚又無人煮飯啊。跟住佢就話：咦，不如我今晚煮飯畀你吃啊。我就話：吓，你想係邊度煮啊。佢就話：係你屋企煮咯。我話：你去廚房睇下有咩煮啦，我就做下廢人先啦。跟住佢就扁嘴話：唔得啊， 你要幫我手，如果唔係就今晚你無得吃。我聽到無得吃，就即刻話：OK，我宜家即刻來幫你，嘿嘿。梗係要去幫手啦，如果唔係就吃西北風啦今晚。
 
兩條友大約洗咗一個鐘，終於有飯吃啦，家常便飯啦，有肉有菜，其實餐飯最後係我煮，因為條友搞咗一陣，就自己行咗去，不過畀面就話佢有幫下手啦，吃飯個陣，Emily就話：咦，副主席好好手勢窩。我就話：梗係啦，餐飯我煮架嘛，梗係掂啦。跟住佢就過黎扭我耳仔：姐係話我懶啦。我就梗係話：無啦，你今日幫咗我咁多，係咪先。佢就笑笑口話：快啲多謝我拉。我就快快口：多謝大人。佢就話：咁就乖啦，嘿嘿，吃飯吃飯。吃完飯就送咗佢翻屋企。