致一個識左我兩日就做左我女朋友既你: 第六章 曖昧＜3＞

我：冇呀，做咩咁問？
曉：冇野，問下姐
我：OKOK，係啦 咁你買左邊隻色
曉：我冇買到呀
我：WHY？
曉：咁我有選擇困難症～～～～同埋我會睇多幾次先買，廢事到時買完唔鐘意又浪費錢
（佢個選擇困難症真係好嚴重，有一次佢打勁多個電話比我 我一聽我連野都未講 佢就好急咁講：老公救命呀
我：咩事呀搵得我咁急 發生咩事呀 曉：我唔知晚餐食咩呀 你快啲幫我揀啦 我：.............. 都唔知講咩好）
我：睇唔出你都幾慳家喎（今時今日呢啲慳家女已經係稀有動物）
曉：洗乜講～～我先唔似啲港女 買埋啲又貴又唔靚既野




我：你都幾厚面皮喎
曉：係架啦 吹咩～～
同佢傾傾下就已經傾到8點半 大獲！今日約個FD一齊打LOL 掛住同佢傾計傾到唔記得左 不過我唔係開機同佢一齊打LOL
而係去食飯 我屋企每晚固定8點半一齊食飯，因為我叔叔就8點半收工返到屋企，要等齊人先一齊食飯。講返少少背景先
咁我老豆就喺我未出世就已經唔喺到，所以我從來都未見過我老豆，我依加同老母、細佬、叔叔一齊住
咁食完飯就順便沖埋涼同洗碗，搞掂曬野已經10點鐘 開機同個FD打陣LOL先 點知一入到RC（我地平時係用RC傾計打機）
就即刻聽到我個FD「咆哮」：屌你老母仆街飛起我 
聽到佢咁嬲就即刻死狗MODE：SORRY呀 我真係冇心架 真係唔記得左咋 依加同你打返啦 唔好嬲啦
打你老母呀 重有撚把功課未做呀 你自己打飛機算把啦
講完佢就OFF左 見佢OFF左 搞到我都唔想打 我都熄左機 




係喎 唔知佢做緊咩呢 
我：你做緊咩呀？
隔左一陣佢就覆左我
曉：啱啱好做完啲功課（係咪痴線架，放左學都重做功課）