《我哋已經到達終點站⋯⋯》: 第十七章

過咗一陣，個師姐就喺洗手間行出返嚟，遞返件褸比我。

「唔該曬。」

「唔洗。」

「你夠鐘開車未？」

我望一望隻錶，仲有時間，可以慢慢行返去。





「未。」

「Ok，咁行返去？」

「好。」

行返去嘅途中我哋喺度傾計。

「師姐平時揸開咩線？」





「我平時揸E線多，咁你呢？」

嘩，E綫應該跑到死下死下。

「我無定㗎喎，周圍走。」

「係喎，俊仔你讀咩中學。」

「你又知我叫咩名？」





「你架車有放名牌㗎嘛，點呀，讀邊間呀？」

「XXX中學囉，做乜？」

「唔怪得知好似咁熟口面啦，原來你都係XXX人。」

「你又係？」

「係呀，不過早過你畢業咁解。」

與此同時，去咗站長室嗰陣都夠鐘開車。

「咁我點稱呼你呀？」

「叫我晴姐啦。」





「哦。」

今次套咗另一架車比我，但就無之前嗰部反應咁快，所以慢慢揸。而晴姐就照舊坐上層車頭做筆記。