《我哋已經到達終點站⋯⋯》: 第三章

過咗幾日，星期六有時間揸吓車。

而今日，我係要落第一城攞車。

去到先知今日揸架單層。

都啱嘅，星期六88R都唔會有好多人。

做咗一轉，返到第一城，有人無啦啦行過嚟。





「師傅一陣喺唔係揸哩架。」指住架單層Man。

「唔知喎。」

「咁呀，如果係嘅話可唔可以開一開大燈？」

「哦。」

之後我就去咗食飯，返到嚟架單層Man無比人拎走，咁我揸返。





見嗰個𡃁仔仲喺度，開大燈都無乜所謂嘅。

「唔該曬師傅。」

「唔洗。」

個𡃁仔坐喺車頭嘅巴膠專用導航位，如果比着以前嘅我，我都會咁做。

做到出中環，襯有少少時間，落車吹吓海風。





「師傅平時做開咩線呀？」

我擰頭望一望，原來係頭先個𡃁仔。

「無定㗎喎，做咩？」

「無呀，好奇下啫。係呢，師傅你有無ig？」

「有。」

「介唔介意比我fol？」

「無所謂呀。」

之後我哋交換咗ig，而我都夠鐘開車，個𡃁仔都有上車。





返到第一城，又可以落地抖下，而個𡃁仔都有嚟同我傾下計。

突然間嚟咗個包包面，幾得意嘅女仔。

「喂你又去煩住司機呀？」

「講咩呀你？」

「唔好意思呀，佢係咪煩住你呀。」

「吓，我無乜所謂呀，所以你都唔洗咁嬲嘅，哈哈。」

「嗱，聽到啦。」





「一陣比阿媽知就鬧死你。」

睇嚟哩個女仔係個𡃁仔嘅家姐。

「行啦，返去啦。」

「師傅下次見啦，Bye。」

「Bye。」

夠鐘就拎咗架9頭豪做多轉88R，之後揸架車返廠。

返廠再拎架83XX直出紅隧口。

「俊仔跟住前面架82XX，做102過海。」





都癲㗎喎，一個紅隧口已經差唔多打爆架車。

最尾一個上車嘅係上次個婆婆。

「哥哥仔，咁啱嘅。」

「婆婆扶穩呀，今日去邊呀？」

「都係去筲箕灣呀。」

出隧道，喺維園落咗半車客。

「婆婆呀，你去搵個位坐下啦。」





「好呀。」

去到筲箕灣，有得放Break。

「婆婆唔洗急呀，慢慢呀。」

「阻住你添，唔好意思呀？」

「唔緊要呀。」

婆婆落車之後，我去咗洗手間。

咁究竟放break有咩好做？梗係去飲杯咖啡提神。

我行咗去一間細細地嘅咖啡店。