《我哋已經到達終點站⋯⋯》: 序

我係何梓俊，今年二十二歲，喺某大學讀緊經濟學嘅碩士。

由細到大，我都唔知點解對巴士好有興趣，完全係一個巴膠，影車、追車、儲模型全部通通做齊。

結果喺上年，我成功考到巴士牌，即刻去咗某巴士公司見工做兼職司機，試完車，訓練咗幾日，就出去做生意。

我就唔係日日都返嘅，咁啱無堂上，又或者落堂就會去揸。

計落都揸咗成年巴士，好好彩咁麻煩嘢都唔多。