[舊版][已停更]從前有個校長，佢禁錮咗全校人: Day 10e 朱穎盈視角:主席

《朱穎盈視角》
11：00
「羅雨韋點呀？」Katie小心翼翼地問。
「佢死咗呀！你係咪聾咗，佢自己一個喺中一嘅課室入面，佢仲……」郭晉毅欲言又止。
「佢俾人釘咗喺黑板，用鐵枝，佢仲成身都係血，係俾人虐待致死㗎！」Lokky接下去說。

死了，他死了。我能想像到他的屍體懸在半空，一根又長又尖，還擦得閃閃亮的鐵枝，貫穿他的心臟。嘴巴大大張開，嗌出鮮血，喉頭卡着喊不出的尖叫。全身上下滿佈劃傷、瘀傷和鞭痕。血印瘀青橫過他的皮膚，訴說他的罪行。

臉上有的是後悔莫及的神色，眼角流淌下痛苦和脆弱的淚水。而那個折磨他、殺死他的人，張開美麗的笑容，歡樂地大笑。如同我現在的心情一樣。





我不會忘記羅雨韋如何推我去死，更不會忘記他的假仁假義。在上學時候是如何討好，在生死關頭是怎樣冷酷無情。都說人都是自私的，這點在他身上實現得淋漓盡致。唯一的遺憾就是我不能親手殺了他，撕開他醜惡的嘴臉。

「都係因為你，係你話要驅逐佢，佢先會死！」Lokky扯着Katie的衣領，拉開自己滿佈汗汙的臉。
「係咩？我唔記得你當初有幫佢求情喎。」Katie不甘示弱地說。
「你係主席呀嘛，邊敢反抗你呀。」
「唔好為自己嘅懦弱揾藉口啦。」Katie打下他的手，轉身走回去教師桌。

Lokky的憤怒連站在窗邊的我都清晰感受到，有如在他體內點起了烈火，他眼裡的憎恨鋒利得要把Katie千刀萬剮。
「我動議！」他大喊，Katie戲劇性地轉了個身瞪着他「由李佑年取代尹依琪嘅職位，做2B班嘅班會主席！」





Katie眼中充滿了不可置信四字。
「傻咗呀你？」
「而家已經再無人支持你，唔該你除咗個牌去。」佑年淡笑着，走近Katie，對她攤開手掌。
「有能者居之。」我小聲地說，Katie觸電似的震了一下。

「無得做主席啫，又唔係攞你命，反正你都做得差。」Moon說。
「係囉，你估我哋好似中三嗰班咁，會切咗你個頭咩？」康溢陽似笑非笑地反問，令我不禁佩服他能把威脅說成玩笑的功力。
佑年壓下聲音，靠到Katie耳邊，技能使我把她們的對話聽得一清二楚。

「乖乖哋除咗個牌佢啦，無必要搞到咁難睇。」佑年說。




「根本你由一開始就已經計劃好要拎我個位，由你睇得出我要復仇嗰日開始，喺2C班綁架我哋嗰日已經一步一步計劃緊。」Katie咬牙切齒地說，每個字都帶着恨意和悲憤。

「點講好呢？所有嘢都係你咎由自取，如果你無咁大嘅復仇心，我又點可以利用到？如果你無違反民意嘅，就唔會落得眾叛親離嘅下場。你明明心知我想做主席，想成為班上最有權力嘅人，但仍然選擇走入陷阱。」

「係你殺死羅雨韋？逼到Lokky佢哋背叛我？」Katie問。
「我都想我殺咗佢，佢呢個人，由我第一日返學已經睇佢唔順眼。只可惜，有其他人幫我咗一把。」佑年說。

「就算你無殺佢，我都唔會俾個位你做。」Katie從口袋拿出一枝粗鉛筆，這些日，她的技能已經進化到能用小型棒狀物。
「我講過我要取而代之，任何人都唔會阻到我。」佑年的聲線逐漸低沉，臉上彷彿蒙上陰影「包括你在內。」

她垂下的手心發出藍白色的微光，正對着Katie。
「我已經唔係昔日嗰個俾你哋忽視，上堂無任提供廢紙俾你哋嘅李佑年。我蛻變咗，成長咗，堅強咗。」她盯着鉛筆，眼睛瞇成危險的大小「你可以賭一鋪，到底你插死我快啲，定係我將電流注入你身體，剎停你嘅心跳快啲。」

Katie後退一步，嘴唇不住地顫抖，瞳孔充滿了恐懼。
「你會後悔㗎。」她抬手解下別在胸口，寫上Chairperson的金屬牌子。




「我唔會。」佑年接過牌子，把它緊緊握在手心，閉上眼睛。
一滴，兩滴……針口割破她的皮膚，血液流過她的手腕，滴在地板上。Katie瞪大眼睛地看着她。

我深深明白她的情緒。恐懼。



－－－－－－－－－－－－－－－－－－－
十年無更新咁🤣就俾讀都寄刀片，更住千三字高潮位先。Day10應該無乜野寫，Day11再見❤