[舊版][已停更]從前有個校長，佢禁錮咗全校人: Day 9b 背後的訊息

《李佑年視角》
10：30
又是一個美好的早晨，沒有戰爭沒有打鬥，只有稱微明亮的陰天，還有遍地的鮮血。第九天了，我們已經被困在學校中第九天了。依靠着從桌子飄出來的三文治充飢，活在勾心鬥角、危機四伏的環境中，一不留神就會死。

因為第一天羅雨韋他們得罪了賴明謙，敵班的攻擊從未休止。先有野心勃勃的賴明謙，再有自私自利的鄭敏儀，然後又有白撞的3B和3C班。短短九日，幾乎每天都在打鬥，都在殺人。但願今日能夠休息一下吧。

「Yina！」芯培叫我「尋晚kyla又做咗個預言，我諗你應該要知。」
「同我有關嘅？」我半信半疑地走過去。
「呃……都有啲嘅。」她說「總之，Kyla你快啲講啦。」
Kyla貌似不情不願似的，忸怩不安的。





「個預言大致係話無時間，要我去揾某班人。我哋猜測可能係要去揾齊五個持有【時間旅行者】技能嘅人。芯培話你係其中一個。」
「我係呀，其實係周景言有呢張卡，不過我拎咗。」
「所以我哋班已經有兩個，只要揾多三個就可以破解個預言！」芯培興奮道。

「點解要揾【時間旅行者】嘅？呢個技能有咩特别功能呀，穿越時空對我哋嚟講好似無乜益處。」雖然能夠體驗這種感覺，是夢寐以求的事，但現階段生存都成問題。
「預言嘅存在心有其意義，你哋嘅技能或者係助我哋勝出遊戲嘅關鍵。呢件事比起同其他班明爭暗鬥重要好多！」Kyla說。

「全校五百幾人，要揾三個同我哋有相同技能嘅人談何容易呀？可能佢哋已經死咗，可能佢哋俾怪物殺咗。萬一個技能消失咗嘅咁點呀？」我質疑道。
「我唔知，亦唔了解。不過預言要我咁做，我就唯有跟住佢嘅指示。俾呢個技能我嘅係所有事嘅幕後黑手，想離開嘅唯一方法可能就喺預言之中。」





「可能幕後黑手想陰我哋呢，畢竟佢可以控制晒所有人喎……」我不禁說。
技能的運作、起源，甚至是甚麼物質，我們都一概不知。從第一天開始，大家都只是跟遊戲規則行事以換取逃生的資格，卻從未思考過背後的問題。也許相較於生存，真相並不重要。
「乜我哋仲有得揀咩？」Kyla反問。

其實我早已被她說服了，【時間旅行者】一技能的存在必有其意義。而且作為目前已知唯一一個有操作限制的技能，背後的訊息一定非常重要。只有找到其餘幾個技能者即可，這對於我而言，簡直輕而易舉，尤其是我有阿康一大個工具人在。

「我推測每一級都有一個技能者，而其中一級有兩個。我嗰張係中二嘅，你嗰個係中五周景言嘅。接下來只要專注喺中三四揾出另外兩個，剩返最後一個就……到時先算啦。」芯培說。
「我會叫阿康開實X-ray眼睇㗎啦！」