[舊版][已停更]從前有個校長，佢禁錮咗全校人: Day 8k 張凱璇視角:犯眾憎

《張凱璇視角》
17：00
三十四人、二十六人、十七人、十一人……

在黎均秋的領導下，3B就只剩下寥寥十一個人，全校最少人的一班。除了一開始張芒琳一行人不幸在木工室遇上2B的敵人，毫無招架之力，以致損失八個同學之外。之後的徐衍殤一役和剛剛的聯班大戰，都是黎均秋自己作死，害到我們死了六成人，要我們一個又一個的白白犧牲送死。

他只是一個愚蠢的莽夫，行事不加思索，衝動累事。根本不能勝任領導人一職。我不可以再坐視不理，為了生存下去，為了逃出學校。

「大家，雖然我哋今日慘敗，有六個同伴壯烈犧牲咗。但係我哋唔可以認輸，只要淨返一口氣，我哋都要報仇！」黎均秋氣宇軒昂地拍枱說，破天荒地，班中竟然沒有任何人回應他。
我見其他人的眼神或是閃躲或是憤恨，先前的士氣都不知去哪了。





「唔會。」我站了起來「我哋唔會報仇，唔會殺人，唔會再聽你枝笛！因為你嘅魯莽，令到我哋班死咗二十三個同學；因為你嘅一時之氣，令到我哋變成最弱勢嘅一班。而家隨便嚟一個魔法師都可以KO晒我哋，都係你嘅錯！」

「你講咩呀？」黎均秋反問「等陣先，殺死我哋同伴嘅係2B班仆街，我哋幫佢哋報仇好合情合理呀。」
我對着他翻白眼，然後轉身向着僅剩的九人，其中七個都是女生。
「我相信無人會再想用自己嘅性命去做意氣之爭，報仇呢啲咁虛無嘅事，只有你呢種無恥之徒先會揾命搏。」

「我……」張芒琳細聲說「我根本從來都唔想再去打鬥……只係逼住要跟你哋去。」
「我哋連刀都揸唔實，仲講咩復仇呀。」
「我唔想死呀，我先得十五歲，仲有大把人生，何苦要浪費喺殺一啲唔相干嘅人身上。」




「而家先滅咗兩班嘅人，一隻怪物都未死，都唔知幾時先可以離開。」

「你根本唔配帶領我哋，大家都只係想平平安苟活下去，而唔係挑起事端。」我說。
「但……但係我所做嘅都係為咗3B，你唔可以一腳伸開我㗎喎。」
「不過你太蠢，無考慮過我哋嘅感受。由今日開始，我會做主席，而我哋嘅目標只有一個，就係生存落去。」
「係！」眾人齊聲道。

「不過……」黎均秋說。
我走到他身旁，靠在在他耳邊。
「唔好逼我殺咗你。只要你乖乖聽話，唔再唯恐天下不亂嘅話，彼此都相安無事。但若果你堅持己見，死牛一邊頸嘅，小心犯眾憎。」