[舊版][已停更]從前有個校長，佢禁錮咗全校人: Day 7d 鄭敏儀+李佑年視角:第一步
《鄭敏儀視角》
13：15
「咩情況呀？」我走到作為探子之一的同學子軒旁邊問。
「佢哋好似有啲意見不合，啱啱嘈得好大聲，而家又靜返。」他回答。
我抬頭一看，正好聽到拍的一聲拍枱聲。
「你都……㗎！………武器……分？合理咩？」尹依琪怒道，但隔着一面牆終難清楚聽到她說甚麼。
我彎低身走到他們課室外，在窗下貼近牆壁偷聽。
「Ella，佢哋有武器呀。」子軒興奮地說。
「噓！」
「精英班的確係大晒！」2D主席周辛進大聲地道。
「……死開啲啦！」
「你咁睇唔起我哋，咪去揾2C班囉，你哋加埋咪蛇鼠一窩，狼狗為奸！」
2B班的人群起哄，傳來扔東西的聲。
「狼狗為奸…哈，真係無質素嘅蠢人。」子軒不留情地嘲笑道。
「你上次中文作文咪又得七十分，有資格笑人咩？」我不屑地反問。
「佢哋呢啲廢班最高分都唔知有無六十五，根本唔係同一個level。」他反白眼並在空中比了一個「好low」的手勢。
「嗯，的確如此。」我冷笑一聲表示同意。
不過總有些人是例外的，例如Tony林昭偉，分到廢班只是一個意外而已。他的光輝無論在哪裡都是最閃耀、最奪目的，亦是最有魅力、最吸引人的。蕭賢根本配不上他……
「佢出嚟啦。」子軒看到被拉開的大門，吵吵鬧鬧的聲音從裡面傳出來。
我連忙站起來，光明磊落地走出來。Ken注意到我，眼睛瞇了瞇，然後就視若無睹地走過。
「周辛進！」我喊了一聲。
他回頭疑惑地看着我。
「有無興趣合作？」我問「無必要虛尊降貴同佢哋班垃圾合作呀，大家都係聰明人，你明嘅。」
他抬一抬眉，朝我們走過來，看不清楚他是怎樣想的。
「點解先？」他細細打量了我以後問，讓我鬆了一口氣。
「2B班咪有批武器嘅，我哋合作，吞咗佢。」我聯想起剛才他們的對話後說，不過其實我都只是在猜而已。
Ken的表情先是呆了呆，然後淡淡地笑着。
「呢樣你都知，不過我知佢哋啲武器收咗喺邊。」他靠到我耳邊說「喺MMLC入面，聽講收埋咗係一個暗格度，可能喺地板，可能喺櫃桶，都可能喺天花板……」
「將武器收埋喺天花板？」我半信半疑地問。
「武器這東西有誰不想搶，全校抽到無傷害能力嘅技能嘅人不計其數，有武器先生存到落去，先有本錢去嬴。你話，點可以唔收得埋啲呢。」
「又有道理喎。」子軒連連點頭。
我鄙視地看了他一眼。
「所以，你要去嘅就帶多啲人去揾，最好成班去晒，會有效率好多。」
「咁你哋呢？」我問。
「我哋？俾咗個情報你啦，梗係你哋負責揾，我哋坐享其成。八二分帳，deal唔deal？」Ken說。
我猶豫了半响，便立即答應了。這麼有利的買賣還真是千載難逢，拿到武器以後，再用它們來對付B、D班。讓2B死於自己的武器之下，2D亡於自己的情報之中。一瞬間就能獲得三個好處，百利而無一害。
「Deal。」
周辛進微不可測地笑了一下。
《李佑年視角》
13：16
「第一步完成。」我手機傳來一則whatsapp，是Ken傳來的。
「2C班上當啦。」我低聲地對全班說，所有人都在無聲地歡呼，成功的第一步，是好的開始。
「好，咁而家實行第二步。」Katie說「羅雨韋、麥包、金毛，你哋三個負責去家政……」
「等等先，我唔同意！」羅雨韋打斷了Katie「有咩理由我去？呢D苦差大把人做啦。」
「呃…因為你係2B嘅一份子囉。」阿康好笑又無奈地回答。
「拎油簡直係大材小用。」他說。
「你有咩大材呀？留返你喺度摺紙好無？」Moon嘴炮。
「我有嘅係實力，我已經沉靜咗六日咁耐，係時候輪到我發圍。」羅雨韋自信(自戀)地說着，使我不禁扶額。
媽的，他的自戀性人格還真的沒變過。一副老子最強，在座各位都是垃圾的樣子。
我見Moon好像有意慾繼續和他辯駁下去，連忙阻止了他們。
「咁Lokky，你去啦，唔好再煩啦！」我說，現在沒有那麼多的時間來發生爭執，每一分每一秒都尤其重要。
「我無問題。」Lokky站了起來點頭，他算是其中一個我比較沒反感的男生，雖然也很煩很mk，但人品還是在的。
「好，咁你哋三個而家即刻出發，記住要喺前梯落，唔好經過C班。」我叮囑道。
「等等。」安家迪叫停了我們。
第二步的行程，一而再地被人打斷，我忍不住翻了個大白眼，耐着性子問一句。
「Looky、麥包同金毛，三個人嘅技能都偏弱，如果路上遇到敵人或者怪物，佢哋未必可以順利逃脫。」安家迪仔細地指出問題，不得不說他相當的細心。
「佢哋嘅技能係貓、醫療師同……呃，石頭。」阿康用技能把他們看一遍。
竟然有技能是以死物名名，真是無其不有。
「醫療師？」醫療師是極罕有的技能，聽聞全校只有寥寥數人，只要班中有這種技能，基本上不用怕受傷「醫療師唔去得，揾個技能強啲嘅去。May？」
「我？」May像是受了很大驚嚇的。
自從她用亞馬遜技能殺了一群中三以後，整個人都魂飛魄散似的，可能是患了創傷後遺症。
「我…我唔得㗎，我做唔到㗎，我太危險……」
「咁……」我忙着在人群中搜索新的目標，時間快速地流逝，這次的計劃不容有失，不成功便成仁。
「我去！」咸魚說「我嘅技能係獵豹，而且我受夠呢種咁廢柴嘅日子。」