[舊版][已停更]從前有個校長，佢禁錮咗全校人: Day 7b 自以為高人一等

「但咩係呀，一係派阿Moon去，一係就喺你哋班揾人。」我站起身，走近他「請你記住，而家係你叫我哋合作。唔係我哋求你。認清楚邊個係莊，邊個係閒，唔好諗住不勞而獲，點晒我哋去做！」我緊緊地盯着他，眼神中沒有一絲的温度。

有些就是這樣，自以為高人一等，以為沒了自己就世界大亂。給點顏色就開染坊。我就要告訴他，現在是他們有求於我，哪怕沒了他們的幫助，我們也不會做得差。

忽然一隻温暖的大手捉住我的手臂，令我指着Ken鼻子的手指頓一頓，逼人的氣勢也漸漸下跌。我不用看也知道是誰了，慢慢地縮回了手指。
「己所不欲，勿施於人。」我後退一步「一係跟我計劃，一係你哋自己做！」
我大氣凜然地轉身，閉上眼，不去看其他錯愕的表情。以及阻止每次罵完人都會不自覺流下來的淚水，還有上揚的嘴角。

「講得好！」文柔一邊拍手一邊說。
「咪係囉，唔好以為自己係精英班就高人一等啦。人人平等，生命無分貴賤，你識唔識呀？」




「我覺得李佑年比Katie更適合做主席囉。」麥包說。
「和議！」Hinson舉手。

我微不可測地笑着，主席之位本應就是有能者居之。
「Katie都係想幫我哋啫。」安家迪說「我覺得佢無做錯喎，同埋而家我哋應focus喺個plan度，而唔係內閧。」
Katie點頭示意道謝。

「咁你有咩高見呀？」Ken強忍怒氣地問我。
「由Moon負責引一樓嘅曱甴去MMLC，之後縛繩爬窗而出，由你哋班嘅人喺二樓嘅舞蹈室接應。」我說。
「喺引怪物入去之前，你哋班負責拎家政室的石油倒喺MMLC入面。怪物同人一定都會怕火，你明我意思啦。」Katie打斷了我，重新奪回主權。





「咁樣太殘忍啦……」
「得啦，就咁話啦。一陣我返去我哋班傾完再定時間。」Ken說。
「燒死你哋嘅同級同學，於心何忍呀？」
「要成大事就必有所犧牲。」Katie說，可真是正氣。

大事？不過是他們唯利是圖的借口而已。不過，我不得不說，這個藉口的確能騙過很多人，包括自己。雖然我不喜歡Katie，但遊戲失去了這種奸角的推動，直到2020，我們也絕對玩不完。光看哈比、程紀靜這些因為技能廢而一無是處的蛀蟲，在這一星期內半點也沒付出過，就知道了。

班中的同學傳來低聲的討論，Katie的獨行獨斷和野心只會令仍存有理智的反感，最後支持她的可能只剩下暗戀她的安家迪和廖廖數個朋友了。真是可悲，她是個有領導能力的人，但卻偏偏和我、阿康唱反調，她太不懂遊戲規則了。





「即然你哋堅持要咁做嘅，咁我哋都無辦法。」我無奈地說，一邊坐回椅子上。

說實的，Katie現在只不過是自取滅亡，憑實力地把自己的形象更降一個層次。早晚會因群眾的怒火而被逼下台的，不聽民意的下場只會犯眾憎，如同大多不自量力的政要一樣。不過，她要一意孤行的，我並不介意助她一臂之力，也許，我也沉醉於這個算計遊戲之中，不能自拔，且樂在其中。

13：00
「如果要行動嘅，我建議喺五分鐘內就出發。已經一點啦……」我佯裝漫不經心地道「淨係搞場地同引怪物，都至少成兩個幾鐘，仲要哄2C嘅人入去喎…」
「又啱喎，咁而家出發啦！」Katie附和。
「2D都未清楚我哋嘅計劃，而且走廊出面仲企咗幾個2C班嘅探子，你覺得佢哋會唔會起疑？所有計劃都付諸一炬？」

「咁你有咩高見？」Ken放下成見，虛心(有點虛偽的虛心)地問我。
「應該俾個錯誤嘅情報佢哋囉。你要扮同我哋傾唔埋，然後反臉。2C班最想要嘅係武器同食物，如果佢哋問你，你就透露話我哋班將武器收埋喺MMLC。不過當然，你唔好咁刻意咁講出嚟，要隱隱晦晦咁，講啲唔講啲。」

我頭頭是道地說着。
「所以你哋真係將武器放晒喺MMLC？咁燒晒佢，好嘥啫。」
「梗係唔……」




「係。」我大聲地打斷了Katie的回答，她一面錯愕地看着我，因為所有的武器被妥善地放置在班櫃之中。

「不過反正都唔會燒得著嘅。」我朝空中揮揮手說「又唔係擺喺紙箱。」
這是我在這段時間領悟到的道理之一，就是永遠不要100％地相信任何人，不存有戒心，是難以生存下去的。 我並不是不能相信自己的合作夥伴，但他們的野心是不容小覷的，這才第七日而已，就急着去清除一整班。年輕人，就是急躁。

「你個技能係咩呀？」我微微靠前問。
「……」Ken但笑不語。
「佢嘅技能係法師。」阿康在我耳邊說。
「藍卡？」我回望他問。
「係綠卡。」Ken回答。
我點點頭後不再繼續話題，轉而討論計劃。

綠卡嘅法師，和魔法師只差一個字，但卻是完全不同性質的技能。法師對比魔法師，誰更強呢？又有甚麼特別呢？晚些找個機會問清楚阿康吧。