真人真事 由毒男變賤男嘅人生故事: 04

到左禮拜六


我約左阿政喺地鐵站度等但係條死仔包就就遲到


冇計我地次次約親，唔係佢遲半個鐘就係我遲兩個鐘


好在今次係佢遲






為左等佢我喺地鐵站度等左半個鐘


雖然可以同Nicole Whatsapp 多半個鐘，但係企咁耐都會攰㗎嘛


等左咁耐佢終於到了






由於我地都遲慣所以都費事屌9佢


我地一齊上到去個青年中心度


由於遲到半個鐘實在太柒了






我地入去嗰陣一直有啲導師用異樣嘅眼光望住我地


入到去一間房仔入面


好多同我地差唔多年紀嘅學生


我地行到入去擔左張櫈仔坐低圍左個圈


坐我隔離嘅係一個好白淨嘅肥仔






我地嘅氣氛一直好尷尬直到個導師開聲講野


「好終於人齊喇，雖然遲左半個鐘。」個導師開口


「我係你地嘅導師，大家叫我阿晉就得喇。」


之後我地就逐一自我介紹


當中都冇咩靚女






我當然非常失望啦


我望一望隔離個肥仔都同我一樣露出左失望嘅表情


跟住都係介紹下我地要做啲咩義工活動啦


「相信大家報名嗰陣都知我地每個禮拜都有聚會㗎啦。」阿晉講


我聽完呢一句眼都凸埋出黎






我即刻怒睥住阿政


而佢就對住我奸笑左一下


突然有一個好靚女嘅姐姐行左入黎


我深信呢個就係阿政黎嘅原因


佢坐低左自我介紹






「大家好啊，我係你地導師，你地叫我晴晴就得喇。」


全場嘅目光都去左佢度


跟住嘅活動都係大家傾下計咁樣冇咩特別


去到臨走嘅時候啱啱喺廁所返黎嘅肥仔冇拉褲鍊就出返黎


我當然即係忍唔住笑


而奇怪嘅係佢都望住我喺度笑


「你冇拉褲鍊啊。」我地不約而同咁出聲


「吓咁我咪啫係冇拉褲鍊四圍行左成個鐘」我大聲講


我一個鐘前去左廁所


講完之後我地就一齊大笑


就係咁我就識左呢世人其中一個影響得我同最重要嘅朋友


就係一件咁無聊嘅事


細個識朋友真係好易，因為人與人之間少左一層隔寞。冇大人咁心機同埋猜疑，返而有嘅係一份單純。兩個人志同道合，兩個人啱傾，所以就變friend，就係咁簡單。


之後去義工活動嘅聚會變左黎緊我三年嘅例行公事


學校方面我為左可以同Nicole 喺學校都傾到計開始上堂玩手機


如是者一切都好似變得好順利。


但係其實呢個係災難嘅開端