遇上「同温層」人妻: ( 12 )『空姐聯盟』 ~ 完 ~

( 12 )『空姐聯盟』 ~ 完 ~




從前有一句說話，叫做「 If you see the Buddha， you will kill the Buddha」，係禪學裡面嘅一句禪話，意思大概係「如果你搵到『佛』，『佛』 就會喺嗰刻消失」。。 如果要我翻譯，我或者會翻譯成 『遇佛佛即消』吧。

「『空』即是『色』，『色』亦即是『空』」。

但，我真係好希望能真實中，再見一見佩儀，呢一位喺網上空氣中，同我咁夾嘅「 J 腳」。( 打麻雀有麻雀腳，食飯有飯腳，咁。。佩儀， 我應該可以稱佢為 J 脚。)



我好希望可以同佢建立多啲感情，講真，我唔想只當佢係洩慾工具，更加唔想畀佢當我係洩慾工具。。可惜，一直以嚟嘅意識形態， 我哋都只係對方嘅洩慾工具。

男人就係咁脆弱，當女人完完全全感滿足到我哋嘅性慾，我哋就會愛上佢。

我知道，如果我去搵佢，會係一件好愚蠢嘅事。。原來，除咗為咗「慾」， 我會做愚蠢嘅事之外。。為「情」，我會更加愚蠢。

即使，我知道有可能見到佢嘅一刻，就『遇佛佛即消』。





我做咗一星期「私家偵探」之後。。 我下定決心去機場搵佩儀，我唔知道會發生乜嘢事， 但最低限度，我是想再見佢一次。

我心情好緊張，就喺機場裏面等咗幾日嘅時候，我諗咗好多種唔同方法同佢相認。

我唔知佢幾時會出現，但，我相信我哋既然已經咁有緣，可以喺網上再遇上，呢區區幾日，又算得係乜呢？何况， 機場真係好多靚女睇，我欣賞吓其他嘅空姐，著住同佩儀同樣嘅制服，諗下佢哋會唔會都同様咁淫賤，當飛到外地時，就掉低屋企嘅老公同仔女，喺酒店房，同素未謀面嘅陌生男人，一齊網上手淫自慰。

我揀咗喺「接機」大樓守關，因為如果係「離境」大樓，佩儀係將會上飛機， 時間上會對我不利。

三日之内，佩儀間航空公司嘅飛機我接曬，但好可惜，仲未遇到。我當然無預先通知佢我會咁做，但都有閒談中，都會問下口風佢會飛去邊。但都係食白菓。



今晚，仲有最後一班日本到達香港嘅夜機，我心情特别緊張，因為我上次由日本返香港，就係呢個班次上，遇到佩儀。

越接近抵達時間我就愈緊張，心裡頭好似有陣預感，知道將會就係呢一班機。

飛機到達，開閘，乘客開始出嚟，我知道空姐唔會咁快出嚟。。但，我突然間眼前一亮！！

人羣中，一雙女人眼晴，同我四目相投，之後，呢雙眼睛，離開咗我，轉望向佢隔離個男人，輪到呢個男人同我四目相投。。我哋三個人都呆咗一呆，都係我最快「 回復正常」，我笑咗一笑， 同呢對男女打咗個招呼。

「Hi ，你哋又去咗日本玩呀？」

男人勉強笑咗一笑，答: 「係呀，咁啱嘅，接機呀？」

女人則面紅紅點了點頭，唔敢再同我有目光接觸。



我笑答: 「係呀，接機。」

男人: 「OK ，咁 bye bye 啦」

之後佢哋擦身而過，但我突然靈機一觸，回頭。。

「啊，咪行住。」

女人今次望住我，面更紅，男人就好奇，問，

「咩事呀？」

我微笑: 「無，我想問。。 你哋記唔記得上次嗰位空中小姐呀？」

女人答: 「 你講短頭髮嗰個？」



我點頭: 「嗯，就係佢，短頭髮嗰個。」

男人也答 :「記得。。佢今次都喺呢班機。」

我即時大喜: 「係？」

男人再講:「嗱，上次單嘢，唔好搞大佢呀，你揾個空姐做乜先？」

我笑答: 「放心，『 私人恩怨』，唔關你哋事嘅， 得閒先搵你哋飲茶，如果你兩公婆想搵人拍片，搵我吖。」

女人面上又是一紅，就拖住男人手離開。

得知佩儀都喺呢班機上面，三日以來嘅等待，就快可以實行我想做嘅，心情既興奮又緊張。



最後，嗰一刻終於來臨。。

佩儀跟另外兩位空姐一齊行出嚟， 呢點我都當然預計在內，( 三日裡頭，我見過有啲空姐單獨出嚟，亦都見過有一群出嚟 ) ，我嘅部署，就係首先確實佢個 name tag 先 ( 最衰上次一撻精射咗落去，睇唔清個名 )，make sure 無揾錯名。

其實都已經幾 sure ，記得我上網揾過哂佩儀 facebook ，所以知道佢用真名。。但！！
點解眼前所見到佩儀所戴嘅 name tag ，竟然會係寫住「Karen 」嘅？！！

就喺我錯愕嘅一刻，嗰三位空姐，包括埋佩儀，有說有笑，可能我個樣真係太愕然，三個都一齊望咗我一眼，就繼續向前行。

頂！ 我部署咗三日，諗過好多唔同嘅招數， 無論佢係一個人，定或係一群人，我都可以出擊。。但而家竟然「失誤」咗喺個 name tag 嘅驚訝上？。。我屌。。

唔可以功虧一簣，今晚一定要有女！！

死馬都要當活馬醫！！



就喺三位空姐嘅背後，我叫咗一聲。。

「Karen 」！！

三位空姐一齊停下，回頭想睇邊個喺背後叫「Karen 」，好明顯係我， 但佢哋亦都莫名其妙。

「Karen 」可能認終於出我就係上次喺飛機上面打飛機嘅男人，就先開口問: 「先生，你叫我？」

我個心，即時又再下沉。。咦？點解。。把聲，又唔多似 cyber 時，語音留言嘅一把嘅？無錯，確係有七八成相似，但，又好似有些少分别。

而差不多同一時間，另一位空姐同 Karen 講，「Karen ，我同佩儀喺 lounge 等你吖。。(再向另一空姐講 ) 佩儀， 我哋行先啦唔好阻住人哋啦。」

而呢次把聲音，卻竟然係十成同我 cyber 中嘅「佩儀」完全一樣！！

Karen 答嗰位空姐 :「好喔，Cindy ， 你哋去lounge先啦，我一陣間就嚟。」

Wow ，即使出名轉數快的我，都被呢刻嘅「混亂」，搞到差唔多「跳機」！

眼前有三個空姐，Karen 、Cindy、佩儀 。

佩儀同 Cindy 本來係同一個人嘅中英文名。

Karen 係 cyber 中嘅相中人，但 Cindy 卻係 cyber 中嘅聲音。。而佩儀，就係 cyber 中嘅人個「名」。。 亦即係話，三個人都好似同我cyber嘅對手，有啲關連。。而呢三個空姐嘅「嘢」( 頂，都唔知點去形容喇 )，乜唔係本來應該喺同一個人身上出現嘅咩？

就係我仍然砌緊三塊 puzzles 嘅時候，Karen 喺我面前細細聲講。

「先生，我記得你，如果你係因為上次嘅事返嚟揾我，咁我睇，無咁嘅需要囉，同埋唔該你唔好張揚，如果唔係，我會冇咗份工㗎，唔該吖，OK ？」

面對著眼前嘅 Karen，佢雖然好面善， 因為我見過佢嘅相好多次， 但係佢嘅聲音，佢嘅語氣， 完全唔係我所熟悉嘅佩儀。

眼前見嘅，只係一個陌生人，即使我曾經向住佢嘅相，射過好多次精，但，我仍然覺得好陌生。

我今日嚟，係想揾—個跟我「同温層」嘅人妻。。我揾到嘅，比我所想嘅，更加遠離真相。

我當然無意令「Karen 」擔心，我微笑，

「放心啦，原來我認錯人啫，對唔住，打擾哂。。 我都唔阻你喇，你啲朋友喺lounge等緊你。」

Karen 回報我一個微笑: 「咁好吖，bye bye 。」

我回佢—笑，講:「 你哋做空姐，都好似幾開心喎。」

Karen 回頭笑:「係呀， 我哋係『空姐聯盟』。」



『空姐聯盟』？哈哈，有趣，真係諗起都開心。。 一片落寞之中，我總算仍然仲笑得出。。『空姐聯盟』。。 如果可以做盟主就發達。

望住 Karen 遠去嘅背影， 手機突然間有短訊入，係佩儀？

「阿雲，我今晚喺泰國呀。」


~ 完 ~