《突然有條女同我同居》(冇甜): 後記

爛尾，應該好多人都預咗，故事嘅中段因為中二病突然就加咗一大堆嘅超能力，無謂嘅伏筆，結果去到最後基本上一個都冇用過，如果唔係因為奇怪嘅一堆超能力設定，如果只係一個普通嘅戀愛故事，我其實係幾鐘意呢一個結局，平淡，溫暖嘅結束，係我最想做到嘅嘢。

最近幾個月更嘅集數少得可憐，除咗係對呢個故嘅點擊率已經唔在乎之外，更係因為厭倦，呢個故可能一早就應該完咗佢，但唔知邊度嚟嘅中二病，令我將呢個故變咗做長篇超能力故，甚至想開第二季，去到最近幾個月先發現，自己嘅能力根本做唔到呢種事，所以對呢個故產生咗厭倦，最後完全諗唔到要點寫，點完，但無理由連一個結局都冇，所以去到最後兩三集，我基本上完全無視曬啲超能力設定，雖然都係爛尾，但已經係我做到最好嘅結局。

呢個故會有重製版，但應該都會係兩三年後嘅事。

最後都係要同大家講返對唔住，因為爛尾，唔更新。

下個故會係一個同同居故差唔多可以話係相反嘅故，大概七月頭開始連載。



多謝支持。

-超迷你番外-

第二朝瞓醒之後，我趁愛盈去咗沖涼嗰陣，打開咗阿峰俾支潤滑油我嗰陣連埋嘅一盒奇怪嘢，一拆開上半部分禮物紙，我就意識到呢樣嘢到底係咩嚟，因為佢logo上面嘅五隻英文字母：「durex 」，雖然有諗過係咪佢買俾自己但唔小心送咗俾我，但睇嚟冇乜可能，因為size係XL，而唔係阿峰嘅XS。

但都有可能係之前好興買嚟送俾人嘅嗰隻朱古力，所以我打開咗盒嘢嚟確認，結果入面嘅...係12個套，呢盒嘢...係堅嘅...

「希...希仔？唔通係因為琴晚最後冇做到?所以你...」愛盈塊臉開始變紅。



「唔係...」

「你如果忍唔到嘅話就嚟啦...我...我準備好架喇。」佢塊臉已經紅過個番茄。

「唔係！」