《突然有條女同我同居》(冇甜): 26

「究竟發生咗咩事...」

眼前嘅屍體突然灰飛煙滅，連一粒塵都無留低，跟住我哋三個你眼望我眼，

「不如我哋唔好留係度，換個地方先再講....」

之後我哋就走咗去附近最近而且無人嘅公園坐低，

「所以頭先究竟係發生咗咩事...」，阿龍望落好緊張。



「頭先個三個人話我係咩能力者...跟住就用超能力襲擊我，去到中途我就抵擋唔住佢哋嘅攻勢，跟住之後發生嘅事...我就完全唔記得曬喇...」

「超能力....果然仲有好多人...」，佢摸摸下巴。

「你咁講即係咩意思？」

「其實我哋今日叫你出嚟，就係想同你講我哋有超能力...」，阿峰深呼吸一口氣之後講。

「係咩能力...可唔可以講下啲資料嚟聽下？」



「無記錯嘅話...係兩個月之前嘅一個夜晚，果陣我突然覺得好頭暈然後眼前一黑，第二朝起身果陣就覺得有種奇怪嘅感覺，跟住就變成咁樣」，阿龍幫佢講。

之後佢就伸咗隻手出嚟，只見佢嘅掌心起火，然後佢用手中嘅火焰係空中畫咗個星形嘅圖案出嚟，而阿峰亦都展示咗佢嘅能力，佢竟然由本來成身企直咗嘅姿勢，變成咗一灘液體，然後再變成咗一團霧，最後再變番原形，

「既然我地都講曬出嚟，咁你都.....」

跟住我就應佢要求，變咗一對老鷹嘅翅膀出嚟，

「呢個係我嘅能力，複製動物嘅能力，仲有可以同動物溝通...」



「外掛...但係頭先果啲人...」

「果三個人嘅嘢就唔好再諗喇，但係以後都要提高警戒，特別係小心啲有果個紋身嘅人。」

「咁睇嚟我哋以後出街都係唔好自己一個人出街好啲......」

係佢講完呢句嘢嘅時候，我嘅後方突然傳出咗一啲聲音，我擰轉頭一望...

係一個紙箱。

又係呢個似曾相識嘅畫面...

我行埋去，打開個紙箱...