《突然有條女同我同居》(冇甜): 8

話咁快就過咗一個月，呢一個月嚟都無乜大事發生。

睇新聞都未見過話發現超能力者，不過唔知點解我硬係有種感覺有超能力嘅人唔只我一個咁...

而我嘅超能力最近都發生咗少少變化，變成可以直接用超能力同動物溝通，不過只限小動物。

同埋可以將我已知嘅動物特性複製係自己身上，不過目前只係得三成嘅效果，例如我想複製鷹嘅翼出嚟果陣淨係複製到啱啱出世嘅大細，但係可以同時複製三種動物，而且呢種能力可以透過不斷鍛鍊去增強 。

另外我嘅身體好似都強咗，而家嘅體能仲好過受傷之前嘅癲峰狀態，而我嘅身高亦都由175成長到186。



講番正題先，今日係星期日，愛盈起咗身之後我就整早餐俾佢同憶奇食，話說雖然憶奇係度又好食又好住咁，不過其實我每個禮拜都會帶佢落樓下一齊訓練，所以佢嘅身型都ke保持得好健康，喺食早餐果陣，我突然醒起啲嘢，

「黃愛盈，你溫咗書未」

「點解要溫書嘅？」，我側一側頭問。

「聽日英文默書...」

「大鑊.....！」



嗰一日自從食完早餐之後，愛盈就無再係間房到出過嚟......

而我就唔使咁麻煩，只要默之前用貓嘅記憶力睇一睇本書就可以輕鬆pass到。

第二日番到學校之後，阿龍就走埋黎問我玩唔玩後日舉行嘅社籃（我哋學校分咗四社，就係紅黃藍綠，而十分巧合地，我，阿龍同愛盈都係黃社），

「無所謂」

我右手托住下巴，用平淡嘅語氣同佢講。



「咁睇黎雙子星要重出江湖喇！！！」

阿龍滿腔熱血咁講，騰孔中好似仲有熊熊烈火。

雙子星....