《突然有條女同我同居》(冇甜): 3

番到屋企之後，愛盈就一枝箭咁衝咗入房，隔咗幾分鐘之後我就聽到佢間房充滿咗韓文歌嘅聲音...個傻妹真係...病咗都仲要係度追星，係喎...一陣要俾藥佢食先得。

話咁快就到咗六點半，拎啲藥過去俾佢順便問下佢想食咩算，點知我行到佢房門敲門果陣冇人應，所以我直接開門入咗去，入到去之後，我見到佢電話仲睇緊youtube就訓著咗...

呢個女仔嘅睡相，好可愛...好想好好咁保護佢...當我望住佢果陣，佢部電話突然震咗下，我下意識望咗過去，我見到應該係佢啲閨蜜send嘢俾佢，

「咁你覺得佢對你有冇意思先」

果個「佢」到底係邊個，佢有鐘意嘅人？咁我...仲有冇機會？係我諗緊嘢果陣，佢突然醒咗，



「你點解係到嘅...」

「呀...你想食咩，我嗌外賣」

嗌好咗外賣之後，我就俾咗啲藥佢

「你係唔係感冒，係就快啲食咗啲藥佢」

「邊有呀...我咁健康先唔會好似你咁成日病呀」



「點會冇呀，你今日塊面成日都咁紅」

講完呢句我就伸手去摸佢額頭，

「你睇下...你個額頭越嚟越熱喇，快啲食咗啲藥佢啦，一陣啲嘢到咗我再嗌你啦」

講完我就番咗自己房，果個「佢」究竟係邊個...

...諗太多嘢...個肚又開始痛...