《毒L和初戀相識的日子》: 第一百七十六章 輕鬆的週日

第一百七十六章 輕鬆的週日

電話顯示:「來自晴晴的1個信息」

「Joseph，好耐冇見喇，幾時得閒出嚟食餐飯呀，同埋阿Paul。」(11:33)

我回覆番佢，之後經過幾番討論，我哋最終約咗下個月尾先出嚟食飯，呢個日子係最快就到大家嘅時間。

阿Paul同晴晴最近都有繼續番part time，去幫小學生補習，每星期補兩至三日。





另外，聽講佢哋已經比City U收咗喇，喺九月就會正式開學。

星期日係最輕鬆嘅日子。我起身梳洗後，煮咗啲嘢食，之後又打吓機，到夜晚就係約咗Winnie傾計嘅時間。

我同佢間唔中都有開Skype傾計，Whatsapp就幾乎每日都會用嚟聯絡。

螢幕內係位於英國嘅Winnie。我將最近嘅事分享比佢知，例如喺公司撞倒梁sir、阿俊同Jenny鬧交，之後和好等等。

佢亦都有分享番喺英國近期遇到嘅事比我知，例如最近同伯母以及佢家人去咗邊度玩之類。





傾到中途，佢突然問咗我一個問題。

「男班長呀，Zoe係咪同你講咗啲嘢？」Winnie問。

我諗咗一陣，諗番起琴晚Zoe喺佢間房同我講嘅嘢。

「戈日我同Winnie傾電話，佢講咗件事比我知~ 佢話……」Zoe嘅說話未講完就被打斷喇。

「冇呀，佢原本話有嘅，不過最後都冇講到。」我向Winnie講。





「係咩，咁由佢啦~」Winnie回應。

呢件事並冇引起我嘅好奇，我亦都冇再追問落去，之後我哋傾多大約半粒鐘就傾完喇。

間唔中同佢傾計比我好大嘅動力。至於番工方面，自從阿婷辭職之後嚟咗個師奶，就暫時未有新同事加入我做緊嘢戈個部門喇。

時間過得好快，已經去到八月中喇。今日我早咗番工，我喺公司附近嘅巴士站見倒家怡同一個男仔手拖手咁行。

有一刻我想行埋去同佢打招呼，不過諗深一層都係唔好喇，廢事佢尷尬啦。

番到公司，上晝如常工作。到食完lunch之後，大約三至四點嘅時間，我收倒一個意想不到嘅消息。








呢件事令我覺得好突然。