《毒L和初戀相識的日子》: 第一百四十三章 狼人殺
第一百四十三章 狼人殺
其實呢個遊戲我之前已經玩過，不過多數都輸。呢個遊戲亦都有好多玩法，今次嘅玩法係晴睛玩開嘅。
我地有九個人，用抽啤牌去決定大家嘅角色:
A: 狼人(3) 每晚可指定殺一人(透過投票選擇殺邊個)
5: 遊戲主持(1) 主持遊戲
6: 平民(2) 冇任何功能。
J: 守衛(1) 每晚可以守護一個人另該人免於被狼人攻擊（但仍可被女巫毒死）。可以守護自己，但不能連續守護同一個玩家。
Q: 女巫(1) 有一樽解藥救已死的人及一樽毒藥殺其中一人。
K: 皇帝(1) 即預言家，可於每晚查看一人身份
好人陣營:平民(2),守衛(1),皇帝(1),女巫(1)
壞人陣營:狼人(3)
規則大約係咁:
1. 當三位狼人死去，好人勝。
2. 當所有好人陣營死去，壞人勝。
3. 遊戲中若有玩家被殺害，該玩家即時出局，在出局前有講「遺言」的機會。
4. 遊戲中每晚完結後，各人除主持外可自由討論。討論完結後各人除主持外可投票殺一位，得票最多者即時出局，兼且不能講「遺言」。如得票相同則沒有人出局。
5. 出局者在遊戲結束前不得說話。
首先係抽牌，我係抽倒Q，即女巫嘅角色。而阿Paul抽倒5，即遊戲主持。
---第一晚:---
Paul:「喺呢個月黑風高嘅晚上，請大家合埋眼。狼人請開眼，請你地決定殺一位。好，狼人請合埋眼。」
「女巫請開眼。今晚死嘅係(Paul指向Zoe)。你有一樽解藥救人，你用唔用？(我點頭。) 你有一樽毒藥殺人，你用唔用？(我搖頭) 好，女巫請合埋眼。」
「守衛請開眼。今晚你想守護邊個？好，請守衛閉眼。」
「皇帝請開眼。你想睇邊位嘅身份？佢係: 皇帝合埋眼。」
「天光喇，所有人可以開眼。琴晚平安夜，冇人死。大家可以自由討論。」
因為我救咗Zoe。即係我同Zoe一定係好人。
Jenny:「我覺得睇多round先投票會好啲。」
阿俊:「我都認同，第一round冇乜睇倒。」
David:「就咁啦。」
Zoe:「我都贊成。」
我:「下round先投票啦，觀察吓先。」
晴晴:「係囉。」
家怡:「我好agree你地。」
Christy:「呢個提議幾好吖。」
---第二晚:---
Paul:「好，喺呢個月黑風高嘅晚上，請大家合埋眼。狼人請開眼，請你地決定殺一位。好，狼人請合埋眼。」
「女巫請開眼。今晚死嘅係(Paul再指向Zoe)。你有一樽解藥救人，你用唔用？(已經用咗) 你有一樽毒藥殺人，你用唔用？(我搖頭。) 好，女巫請合埋眼。」
「守衛請開眼。今晚你想守護邊個？好，請守衝閉眼。」
「皇帝請開眼。你想睇邊位嘅身份？佢係: 皇帝合埋眼。」
「天光喇，所有人可以開眼。琴晚死嘅係Zoe。請Zoe講遣言。」
Zoe:「首先我係好人，我覺得David好有可疑，頭先狼人揀人戈時我feel倒佢郁。就係咁。」
「好，大家可以自由討論。」
我:「我覺得今round可以試吓投票。」
David:「大家唔好信Zoe所講。我係好人。咁不如投票先啦？」
晴睛:「我贊成。」
其他人也贊成。
投票結果:
我(2票) David(2票) 晴晴(2票) 家怡(1票) 阿俊(1票)
由於三人得票相同，所以冇人死。
---第三晚:---
Paul:「好，喺呢個月黑風高嘅晚上，請大家合埋眼。狼人請開眼，請你地決定殺一位。好，狼人請合埋眼。」
「女巫請開眼。今晚死嘅係(Paul指向阿俊)。你有一樽解藥救人，你用唔用？(已經用咗) 你有一樽毒藥殺人，你用唔用？(我點頭，並指向David。) 好，女巫請合埋眼。」
「守衛請開眼。今晚你想守護邊個？好，請守衝閉眼。」
「皇帝請開眼。你想睇邊位嘅身份？佢係: 皇帝合埋眼。」
「天光喇，所有人可以開眼。琴晚死嘅係阿俊同David。請兩位講遣言。」
阿俊:「我係平民我覺得Jenny好有可疑，佢平時唔係咁嘅表情。大家留意吓。」
David:「我係皇帝，我查倒Joseph係壞人，講完。」
竟然屈我……
Paul:「大家可以自由討論。」
我:「我係好人，唔好聽David亂up！」
Christy:「好難信你喎。」
Jenny:「我信Joseph。同埋我係好人，唔好信阿俊。」
晴晴:「我都信Joseph！」
家怡:「Well，我覺得阿俊講嘅都可以信。」
我:「咁投票囉。」
投票結果:
我(2票) 家怡(2票) Jenny(1票)
由於兩人得票相同，所以冇人死。
---第四晚:---
Paul:「好，喺呢個月黑風高嘅晚上，請大家合埋眼。狼人請開眼，請你地決定殺一位。好，狼人請合埋眼。」
「女巫請開眼。今晚死嘅係(Paul指向晴晴)。你有一樽解藥救人，你用唔用？(已經用咗) 你有一樽毒藥殺人，你用唔用？(已經用咗) 好，女巫請合埋眼。」
「守衛請開眼。今晚你想守護邊個？好，請守衛閉眼。」
「皇帝請開眼。你想睇邊位嘅身份？佢係: 皇帝合埋眼。」
「天光喇，所有人可以開眼。琴晚死嘅係晴晴。請講遺言。」
晴晴:「我係皇帝。我查倒Christy係狼人，信不信由你地。」
我:「咁投票啦！」
投票結果:
Christy(2票) 我(1票) Jenny(1票)
Christy死，冇得講遺言。
---第五晚---
Paul:「好，喺呢個月黑風高嘅晚上，請大家合埋眼。狼人請開眼，請你地決定殺一位。好，狼人請合埋眼。」
「女巫請開眼。今晚死嘅係(Paul指向我)。你有一樽解藥救人，你用唔用？(已經用咗) 你有一樽毒藥殺人，你用唔用？(已經用咗) 好，女巫請合埋眼。」
「守衛請開眼。今晚你想守護邊個？好，請守衛閉眼。」
「皇帝請開眼。你想睇邊位嘅身份？佢係: 皇帝合埋眼。」
「天光喇，所有人可以開眼。琴晚冇人死。」
即係有人守護咗我。
Jenny:「我要公開身份！我係守衛，啱啱救咗Joseph。所以，家怡係狼人！」
家怡:「乜你調轉啲嘢嚟講，我先係守衛呀！」
我:「我已經知係邊個，投票啦。」
投票結果:
家怡(2票) Jenny(1票)
Paul:「遊戲結束，好人贏。」
結果:
A(狼人): David、Christy、家怡
5(主持): Paul
6(平民): Zoe、阿俊
J(守衛): Jenny
Q(女巫): 我
K(皇帝): 晴晴
玩咗幾局「狼人殺」之後，我地就走喇。我地搭番車去大埔墟火車站就解散喇。
有趣嘅遊戲，如果有埋妳喺度就更加好玩。