《毒L和初戀相識的日子》: 第一百四十一章 生日派對

第一百四十一章 生日派對

Year 2 Sem One開咗學已經一個月，嚟到十月中。今日係晴晴生日，仲記得舊年有阿Paul、我同埋Winnie同佢慶祝，去咗睇戲、漢和食嘢同唱K，最後我地要送醉咗嘅阿Paul番屋企。估唔到咁快就已經一年喇。

至於今年，晴晴生日係星期一。我地一班人放學之後會去晴晴屋企慶祝，出席嘅會有阿Paul、我、阿俊、Jenny、家怡同埋Christy。

之前同Winnie傾開計，我問佢應該送咩禮物比晴晴，傾咗好耐佢就話送一本印住晴晴中意戈隻熊嘅行事歷，同我夾份送。

放學之後，我地一齊搭車入大埔，去晴晴屋企。佢住太湖花園，上到佢間屋一開門就見倒個廳。





阿Paul喺附近嘅一間餅店訂咗個蛋糕比晴晴，佢去咗拎。

而我地就一齊玩card game同埋傾吓計，隔咗一陣阿Paul拎住個蛋糕上嚟。

時間去到七點左右，阿Paul去咗打電話叫pizza同炸雞外賣。

啲嘢食嚟到之後，我地好整齊咁放咗喺廳戈張飯枱上，而阿Paul就喺雪櫃拎咗個蛋糕出嚟。佢亦都隨即點上蠟燭，然後熄咗大廳嘅燈。

「我地一齊唱生日歌比晴晴聽吖。」阿Paul對大家講。





我地一齊拍住手咁合唱生日歌。

「Happy Birthday to you,
Happy Birthday to you,
Happy Birthday to 晴晴,
Happy Birthday to you.」

晴晴閉上雙眼、合上雙手咁許願。之後佢吹熄蠟燭，大廳嘅燈亦都開番。

「多謝你地今日嚟同我慶祝呀~ 大家食嘢啦~」晴晴開心地對大家講。





「等等先，送埋禮物先啦~」阿Paul講。

「好呀~」晴晴回應。

大家都拎出準備咗嘅生日禮物。

「希望妳中意啦，生日快樂~」阿Paul拎咗一袋嘢比晴晴之後講。

「多謝，你送嘅我都中意㗎啦~」晴晴回應。

「晴晴，生日快樂。呢份禮物我同阿俊一齊去揀㗎~」Jenny拎咗一份包住嘅禮物對晴晴講。

「生日快樂~」阿俊回應。





「多謝你地~」晴晴回應。

「Happy Birthday呀晴晴。呢份禮物應該會啱妳用。」家怡拎咗一份包咗嘅盒裝禮物對晴晴講。

「多謝~」晴晴回應。

「生日快樂呀，呢份禮物係我同Winnie一齊揀嚟送比妳~」我對晴晴講。

「多謝你地呀~ 幫我同Winnie講多謝吖~」晴晴回應。

至於Christy嘅禮物係一個擺設。送完禮物之後，我地就開始食嘢。

去到大約十點，我地就走喇，因為聽朝要番九半堂。










人越大，就覺得時間過得越快。