《毒L和初戀相識的日子》: 第一百三十六章 日常

第一百三十六章 日常

六月開始搵番Winnie，同佢Long D。老實講，呢樣野好講大家嘅信任。我相信同佢可以維持倒。

自從Winnie走咗去英國之後，我每日都自己番學。開頭好唔習慣，依家已經好好多了。

我經常都會期待住同Winnie傾計同Skype，雖然見唔倒真人，不過我已經滿足了。

至於I大方面，今日係summer sem嘅week5星期一，今個sem都要讀五科，其中包括一科英文、全人發展(國際視野)、一科選修同兩科主科。





今日係全人堂，番下晝兩點。呢科可以話係超悶嘅科，同中學通識科嘅全球化差唔多。

比起第一同第二個sem嘅全人堂，呢科係冇乜活動同遊戲玩，多數都係坐喺度聽佢講。

不過都要分組做project，四至五人一組，今次我同咗阿Paul、晴晴、阿俊同埋Jenny喺一組。而教我哋呢科全人發展嘅依然係Billy sir。

「今日呢堂就講吓PowerPoint先，會對你地個project有幫助㗎。」Billy sir 對全班講。

「唉，悶死人喇。」坐喺隔離嘅阿Paul講。





自從Winnie去咗英國之後，上堂戈陣我開始同佢地坐，多數坐喺尾二戈張長枱，五個人打橫坐，對住個screen。而我多數會坐中間，坐我左邊係晴晴同阿Paul，而右邊係阿俊同Jenny。

「打機啦我地。」晴晴細細聲講。

我地玩嘅係手機game:「GameofDice」，一個大富翁嘅遊戲，可以連線一齊玩。

可以話係喺沉悶嘅課堂中搵一點樂趣。我地玩咗幾局，終於都落堂喇。

「咁今日去到呢度喇。我地下一堂再見啦，拜拜。」Billy sir對全班講。





「Joseph哥，一唔一齊走呀？我同晴晴去新城市喎。」阿Paul問我。

「我要去print嘢呀，你地等唔等我吖？」我回應。

「唔喇，我地趕住去睇戲呀~」晴晴回應。

「係呀，咁冇計喇~」阿Paul回應。

「okay。咁聽日見啦，拜拜~」我回應。

「拜拜~」阿Paul同晴晴回應。

我去電腦房print啲嘢，期間見倒家怡同阿文戈班嘅Nicole有講有笑。

我出於好奇問佢地，原來佢地係透過阿文而變得好熟。而我print完嘢之後就走喇。





當我離開I大門口戈時，我喺隧道口離遠見倒有一男一女喺度鬧大交。





日子，還是要過的。