《毒L和初戀相識的日子》: 第一百三十一章 心情低落

第一百三十一章 心情低落

聽完Leo嘅建議之後，我去搵咗Zoe， 因為佢係Winnie識得最耐亦都係最好嘅朋友。我約咗佢去一間咖啡店。

我入到去間咖啡店，Zoe已經坐咗喺度。

「做乜約我出嚟嘅？」Zoe問。

「我想問Winnie有冇留低英國個地址畀你呀？」我問。





「冇喎... 乜你想過去搵人哋咩？」

「係呀。我哋都冇好好離別佢就去咗英國，我覺得好後悔...」我竟然流出眼淚。

「我真係冇佢喺英國個地址喎。你唔好咁啦，Winnie唔想見到你咁㗎。」

「咁冇辦法啦。我走先喇。」我回應。

於是我好無奈咁離開，不過Zoe叫停咗我。





「喂，你唔好走住先啦，我畀樣嘢你喇。」

佢畀咗Winnie喺英國個電話號碼我。

「你想搵番人嘅就搵啦，佢叫我唔好畀個電話你㗎， 唔係因為佢唔想理你，佢唔想你成日用個電話同佢溝通而忽略咗身邊嘅朋友。」

「不過我真係唔忍心見到你哋咁。所以，就照你心入面想做嘅去做啦，Joseph。」

「多謝你呀Zoe。」





始終我同佢都冇道過別就分隔兩地，感覺就好似心入面嘅一條刺咁。

我加咗個電話去我聯絡人，喺度猶疑緊應唔應該搵佢。佢會唔會已讀不回呢？

加上佢自從留咗封信比我之後就冇再搵過我，咁會唔會代表佢已經唔想再比我搵呢？

其實就算同佢Long D我都冇所謂，不過我唔知佢點諗。

我都將呢件事同過阿俊佢地講，而佢地都係叫我跟住自己心入面嘅諗法去做。

日子一日一日咁過，我始終都估唔起勇氣去send一個訊息畀佢。一直喺個chat room嗰度徘徊。直到五月尾戈陣，我再撳入去個chat room， 點知個icon轉咗做Winnie同一個外國男仔好親熱影嘅相。我知自己真係要死心啦，心情亦都低落到一個點。









其實，只要妳幸福，就已經足夠了。