《毒L和初戀相識的日子》: 第一百二十九章 兒時回憶

第一百二十九章 兒時回憶

睇完封信之後，我諗番起小學戈陣其中一日放學自己番屋企嘅經歷。

---2008年某日放學時間---
---我居住大廈的升降機內---

喺我細個戈時，曾經有過幾次困lift嘅經歷。第一次困Lift係有啲驚嘅，試多幾次之後已經習以為常了。

當年仲讀緊小學嘅我，有一日放學自己番屋企。去到大堂入Lift，有個同樣讀小學嘅女仔同我一齊搭Lift，佢矮過我，背上一個印住Winnie The Pooh圖案嘅書包。而Lift入面得我同佢。





當部Lift去到六樓戈時，突然停咗落嚟，仲熄咗一半燈添。我冇乜感覺，因為之前已經試過困Lift。

相反，個女仔就好驚，驚到想喊。我嘗試安慰佢:

「唔洗驚啦，好快就有人救我地。」

「真係咩？」佢含住淚咁講。

「係呀，我地比啲耐性等。係呢，你叫咩名呀？」





「我叫王泳琪。你呢？」

「我叫陳旭祖。」

「你讀邊間小學㗎？」

「何日東。」

「我讀呂祥光㗎。」





「咁妳住幾多樓㗎？」

「九樓，隔離部Lift壞咗，所以搭咗呢部。」

突然，有人從升降機內的對講機向我地講嘢:「兩位小學生唔洗驚，好快就有人救你地㗎喇。你地等多一陣啦。」

等候期間，個女仔依然好驚咁。為咗分散佢嘅注意力，我從書包拎出兩枝朱古力棒。

「我地一人一枝吖。」

「好呀，多謝你。」佢開始笑番喇。

「飲唔飲嘢添？我有盒朱古力奶呀。」





「好吖，好多謝你。」

「唔洗客氣。男仔要好好照顧女仔。」

佢用咗一個微笑去回應我。

「妳唔洗驚，好快就可以出去。」

「嗯。」

「咦，妳中意Winnie The Pooh㗎？」我指向佢個書包。

「係呀，係我最中意嘅卡通人物。」

過多十分鐘左右，㗎Lift重新郁喇。去到十樓，我阿媽同埋個女仔個阿媽已經喺lift口等我地。





「你冇事吖嘛，陳旭祖？」我老母問。

「冇事呀。」

然後，我同個女仔揮手而別。佢同佢阿媽喺樓梯行落去。





回憶，找回來了。可惜，妳卻離開了。