《毒L和初戀相識的日子》: 第一百二十三章 sit堂

第一百二十三章 sit堂

琴日去完赤柱之後，今日係星期一。我同Winnie如常一齊番I大，入到班房見倒班上竟然多咗一個女仔，仲幾靚添。

「邊個嚟㗎~？」我問阿Paul。

「阿安個女朋友嘛，你唔知咩？」

「都未見過~」我回應。





「Joseph哥，有女朋友就唔好成日望其他女仔啦~」阿Paul回應。

「唔知邊個望得多啲呢~」

三月係中六學生study leave嘅日子。阿安個女朋友細佢一年讀中六，嚟緊會去考DSE。

今朝係梁sir堂。I大嘅點名方式係學生拍卡同埋老師點人數落張紙度，梁sir嘅做法係無論我地有冇番，都會幫我地全部tick哂名。

所以，雖然多咗一位「同學」喺班房，不過都冇比人發現。





放break戈陣，阿文嚟咗班房搵家怡。今次唔同嘅係，佢竟然入埋嚟班房，仲放低咗一袋嘢比佢添。

「送比妳㗎~」阿文對家怡講。

「多謝你呀~」家怡笑住咁回應。

「一陣放學再嚟搵妳吖~」

「嗯。」





之後阿文行出班房。

「妳就好啦，有男朋友送禮物比妳~」坐前面嘅Christy對家怡講。

「咩喎，just... just best friend.」同樣坐前面嘅家怡無奈地回應。

比起第一次見倒阿文，佢依家變得更主動。

放完break之後，我見倒坐我隔離嘅Winnie用電話上緊一啲外國旅遊網站，佢手上戴住我琴日送比佢嘅手鏈。

「妳想去旅行咩~？」我問Winnie。

「睇吓姐，咁八卦㗎你~」Winnie回應。

隔咗一陣就放學喇，阿安同佢女朋友手拖手咁行出班房，而阿文都好準時嚟搵家怡。





我同Winnie都手拖手一齊走，佢話有嘢做，未番屋企住。所以我地喺沙田火車站外分別。





唔知點解，Winnie最近好似好忙咁。