《毒L和初戀相識的日子》: 第一百一十一章 打保齡記(中)

第一百一十一章 打保齡記(中)

到第二round，我打咗9分，Winnie都係得0分，阿Paul同晴晴分別有9分同4分。

經過第二round，暫時我地全組得分係49分，David戈組係62分。

「男班長，我唔識呀，我都唔知點解會成日落抗，你教我吖~」Winnie同我講。

「好。妳一陣打戈保齡球出去戈陣要大力啲，直線掟出去，同埋唔好咁緊張~」我回應。





「好啦，我盡力啦~」Winnie回應。

到第三round，Winnie好努力咁成功打倒一枝，得1分。

「就係咁喇，妳繼續努力啦，加油~」我對Winnie講。

「嗯，我會㗎喇~」Winnie回應。

經過第一局嘅比賽，我嘅得分係115分，Winnie得分係25分，阿Paul得分係93分，晴晴得分係52分，第一局總分係285分。





至於David戈組，David得分係146分，Zoe得分係102分，Jenny得分係54分，阿俊得分係86分，第一局總分係388分。

我睇完佢地個成績之後，心諗: 睇嚟David同Zoe都有玩開保齡球。

差距都有超過100分，睇嚟我地要急起直追喇。

「唔好意思呀，搞到我地落後咁多...」Winnie有啲失望咁對我、阿Paul同晴晴講。

「唔緊要啦，我啱啱玩戈陣都同妳一樣~ 同埋輸咗都冇所謂㗎~」我回應。





「咪係囉，冇人會怪妳㗎~」晴晴回應。

「啱呀，盡咗力就得啦~」阿Paul回應。

「多謝你地~ 我會努力㗎喇。」Winnie回應。

第二局嘅比賽即將開始。




雖然我地暫時落後，不過我有信心下一局會拉窄差距。