《毒L和初戀相識的日子》: 第六十一章 焦急

第六十一章 焦急

放Break戈陣Winnie仲未上嚟。

「唔見Winnie嘅？」晴晴問我。

「係呀，佢同佢個friend Zoe喺canteen傾計。」我回應。

「原來係咁。」





落堂之後，Winnie都未上嚟班房。佢地有冇咁多計傾呀。

我落去樓下canteen，不過唔見佢地。於是我打咗兩次比Winnie，結果都係冇人聽。

我再喺學校入面周圍搵，內心越來越焦急。

(妳要離開 我...) 我部電話響起，係Winnie打比我。

「喂，男班長呀，你去咗邊呀？」Winnie問。





「你地唔喺canteen咩？」

「你望吓後面。」

Winnie企咗喺我身後。

「頂妳，去咗邊呀？打比妳又唔聽。」我扮作生氣地同佢講。

「去咗廁所呀，信號收得唔好。你咁惡做咩喎？」Winnie扁起嘴。





「咁人地緊張妳嘛，sorry呀，請你飲朱奶喇。」

「算你啦，以後唔準咁惡同我講嘢呀。」Winnie認真地講。

「嗯，唔會㗎喇。」我回應。

我地經過一部汽水機，我買咗盒朱奶比佢。

「你地傾咩傾咁耐？」我問Winnie。

「傾吓大家近況之類囉，冇乜特別。」Winnie回應。

「係呢，妳下個星期生日喇喎。」

「所以呢？」





「我地已經準備好哂一切。」

「我知，去Party room吖嘛。晴晴同我提過吓。多謝你地呀。」

我用咗一個微笑去回應。

之後我地行去坐車，去到屯門公路。

「我同我阿媽喺新墟食飯呀，今日要你落車先喇。」Winnie同我講。

「嗯，好呀。」

「仲有星期五考英文Speaking喇喎，你有冇睇熟啲句子㗎？」Winnie問我。





「上次你教得咁好，我ok㗎喇。」

「你要比心機喇。」

番到市中心，我自己落車番去。都係時候要準備喇。






焦急的感覺，並不好受....