《毒L和初戀相識的日子》: 第四十六章 擔心

第四十六章 擔心

「乜你唔想拍拖咩？」Winnie突然問。

呢個問題，好高深。

「想㗎，不過...」我口窒窒咁回應。

「不過咩？」Winnie期待地問。





「係呢，聽日星期六妳有咩節目？」我嘗試轉移話題。

「聽日Zoe生日呀，我夜晚會出去同佢地慶祝，有Zoe男朋友David，仲有阿俊，Jenny同埋一大班人。我地book咗葵芳一間Party room。 你去唔去阿？」Winnie回應。

「唔去喇，我聽晚約咗個中學同學，再加上同Zoe又唔熟。」

「原來約咗女仔呀。哦，得啦，依家唔識人喇。」Winnie扁起嘴地回應。

「男仔嚟㗎，中學已經好friend，好似你同Zoe咁。」





「算你啦，咁星期一先見喇喎？」

「好啦。」

我地番到去，Winnie要去屯市買啲嘢，所以我就番去先。

到星期六夜晚，我約咗我個中學同學Leo。Leo依家喺Poly U讀緊BA。我地約咗喺我樓下間稻香打邊爐，期間我地傾吓大家嘅近況。

「你最近點阿？聽講你識咗個女朋友喎。」我問Leo。





「係呀，同班同學嚟，O day識㗎。你呢？聽講你都識倒個女仔喎，Joseph！」Leo回應。

「邊有呀，朋友啫。」

「哈哈。祝你早日出pool啦。」

我都想。

之後，我地主要都係傾番學校啲嘢，到差唔多十點就走喇。

「咁下次再約喇喎，睇吓叫唔叫倒阿Ben同阿John啦。」Leo同我講。

阿Ben同阿John都係我好熟嘅中學同學。

「好啦，拜拜。」





喺我行番屋企嘅路程，阿俊突然打比我。

(妳要離開 我知道很簡單 妳說依賴 是我們的阻礙)

「喂，Joseph呀？」

「阿俊，做咩阿？」

「你依家喺邊？」

「屯門囉。做咩？」

「你，依家即刻搭的士出嚟葵芳，我send個地扯比你。」





「究竟咩事？」

「如果你真係中意Winnie，就即刻出嚟。你唔出嚟你會後悔。」

「好，我依家即刻出嚟。」

究竟，Winnie發生咗咩事呢？我好擔心。












希望妳冇事。