《毒L和初戀相識的日子》: 第四十四章 遺忘

第四十四章 遺忘

「男班長阿，你記唔記得你讀邊間小學阿？」Winnie停下腳步問我。

點解佢會突然咁問嘅…

「何日東小學囉，做咩咁問嘅？」我回應。

「冇... 冇嘢喇都係，八卦吓姐。」Winnie緊張地回應。





明明有嘢都話冇嘢...

我突然記得番我老母同我講過呢幾句說話:

「你對人地有冇印象呀？」

「你唔記得就算啦，呢啲嘢等你地自己去發掘啦。」

雖然我一啲印象都冇，不過我決定追問吓Winnie。





「你講嚟聽吓，其實我地係咪之前已經識㗎喇？」我問Winnie。

「你... 其實都唔係啲咩特別嘢姐，遲吓再講啦。」

「好啦，你中意啦。」

我地喺地下大堂分別之後，我上番屋企，仔細地諗究竟小學戈時係咪已經識得Winnie，什至搵番小學畢業相同紀念冊，都唔見有王泳琪呢個人。

此時，老母見我突然搵哂小學啲嘢出嚟就問我。





「嘩，陳旭祖，做咩拎番哂小學啲嘢出嚟？」

「冇阿，戈日妳話送我番嚟戈個女仔，佢係咪同我讀同一間小學㗎？」

「哦，你問我嘛。你地緊係唔係同一間小學啦，之不過...」

「之不過咩？」我焦急地問。

「呢啲嘢你兩個慢慢發掘啦。命運嘅嘢都已經安排好。」

之後，我收番埋啲嘢，慢慢就遺忘咗呢件事喇。

到星期五，又係英文堂。堂上我同Winnie，阿俊一齊練習Speaking。期間，阿俊話有嘢想講我地知。











遺忘了的記憶，會找回來嗎？