《毒L和初戀相識的日子》: 第三十九章 面對

第三十九章 面對

我地食完嘢之後，Winnie主動同我講:「男班長，我淨係同你一個人講㗎咋，你要應承我唔可以同其他人講。」

「好，一定唔會同人講。我應承妳。」我回應。

「其實我屋企依家出現咗兩個問題，首先係我婆婆入咗醫院，情況唔樂觀，佢隨時都會離開我地。」

原來個post係關於呢件事。





「所以我成日去探病，咪要間唔中走堂。」

「跟住，另外件事係關於我父母嘅。」講到呢度，Winnie開始流眼淚。

「唔好咁啦，如果妳唔想講就唔好講啦。」我嘗試安慰住Winnie同埋遞咗張紙巾比佢。

「我冇嘢喎。」Winnie忍住咗啲眼淚。

「我父母決定咗，喺我婆婆離開咗之後，就會... 就會離婚。因為佢地出現咗問題，所以最後有呢個決定。」





「我嘗試勸過佢地兩個，不過佢地堅持要咁做。同埋佢地決定咗之後我阿媽會留番喺依家度住，而阿爸就搬出去。佢地比我自己決定跟邊個。」Winnie續說。

「原來妳一直自己一個面對咁多嘢.... 唔好咁唔開心啦。無論發生咩事，我都會一直喺妳身邊陪住妳㗎。」我對Winnie講。

「多謝你呀。終於有人可以傾訴吓，個心冇咁唔舒服喇。」

我突然記得之前上網睇過篇文，內容係介紹一個地方係適合比一啲心情唔好嘅人去嘅。距離個showcase仲有幾粒鐘時間，我決定帶Winnie去戈個地方。

「Winnie呀，走囉。我帶妳去一個地方。」我對Winnie講。





「吓，去邊？」Winnie問。

「妳一陣就知~」 我回應。









有啲事，一齊面對總比獨自面對好。