《毒L和初戀相識的日子》: 第三十五章 霍爾蘭六邊形

第三十五章 霍爾蘭六邊形

到星期一朝早，我如常提早少少出門口。當我着完鞋，打開門同鐵閘之後，我竟然會幻想Winnie會喺門口等我。不過，現實總係唔理想嘅。於是，我決定落一層喺Lift口等，睇吓撞唔撞倒Winnie。

等咗十分鐘，我聽倒開鐵閘聲。我從角落偷望過去，見倒真係Winnie出嚟。

當Winnie關上鐵閘，行埋嚟Lift口，我就突然出現喺佢面前。

「早晨呀。」我對Winnie講。





「男班長？早晨喎，你點會喺度嘅？」Winnie明顯有點驚訝。

「係呀，專登落嚟等妳嘛，想見妳耐啲。」

「一朝早就口花花~」

我地落到地下大堂。

「男班長，下次落嚟同我講聲先吖嘛。」





「想比驚喜妳姐，好啦。」

我睇得出，我頭先咁做Winnie係開心嘅。

番到I大，照舊今朝又係梁sir堂，而下晝都係全人堂。朝早梁sir堂都冇乜特別，一樣咁悶，係可以同Winnie吹吓水。到下畫全人堂，Billy sir又有嘢比我地玩。

「大家好，又係我Billy sir。今日同大家玩個心理測驗，睇吓大家了解自己喺職業上興趣，叫做RIASEC，中文係霍爾蘭六邊形。分為六種類，有實用、研究、藝術、社會、企業同埋事務型。大家填完之後就一齊計分，得到最多嘅戈個英文字母就代表你係屬於戈類型。之後同大家講吓PPT。」

「咁我比45分鐘你地做，大家靠自己嘅感覺答就得，唔係就唔準。」





計完分之後，我係實務型，而Winnie就係行政型。

不過呢啲所謂心理測驗我重來都唔信。

除咗我，阿俊、Jenny同阿Paul等人都係實務型，而晴晴、家怡同Christy等人就同Winnie一樣，都係行政型。

Billy sir 統計完之後，發現我地班最多人揀係屬於實務同行政型。而社會、研究、企業型都有。至於藝術型，一個人都冇。

「咁希望透過呢個心理測驗，可以比大家了解自己嘅職業意向，喺將來搵倒一份合適嘅工啦。」Billy sir 對大家講。

之後Billy sir係咁講PPT，個半鐘之後終於落堂。

落堂之後，Winnie問我:「男班長，你有冇諗過第時做咩職業？」

「冇喎，可能做番同我地呢科有關嘅嘢。我地出年有intern要做嘛。」我回應。





「我就冇咁快決定喇。」晴晴突然出現。

「咁妳呢？」我問Winnie。

「同你一樣啦，應該都係做住呢行先。」

此時阿Paul行過嚟晴晴度。

「你地傾緊咩？」Paul問。

「傾緊第時做咩職業。」我回應。

「哦，讀完HD之後我就希望可以再駁個top up degree讀。」Paul回應。





此時晴晴望咗一望隻錶。

「我同阿Paul走先喇，夠鐘去新城市睇戲。聽日見啦，拜拜喇。」晴晴對我地講。

「拜拜。」

突然，Winnie嘅電話響起了。







有個名人曾經講過，畢業之後做咩工都唔緊要。根據非正式統計，一班人入面有大約50%喺畢業之後都唔係做緊讀戈科有關嘅嘢。