《毒L和初戀相識的日子》: 第二十九章 主動

第二十九章 主動

Winnie傳來一個信息
「可以阿，我搭西鐵番緊嚟，你想去邊度食？」(20:59)

我回覆Winnie:
「去元朗B仔食好唔好？」(20:59)

Winnie傳來一個信息
「好，咁朗屏站等吖，我依家喺美孚。」(21:00)





今次好似係第一次番學之外主動單獨約Winnie。

就係咁，我由屯門公園行去西鐵站搭去朗屏。一落車，就已經見倒Winnie背向我坐咗喺月台啲櫈度。

「喂。」我喺Winnie後面拍佢。

「乜你咁樣嚇人㗎，男班長！」Winnie轉身對住我講。

「玩下姐，行喇。」





我地喺朗屏站行過去大坑渠旁邊戈間B仔，一路上我地都有傾計。

「係呢，做咩無啦啦搵我食糖水嘅？」Winnie問我。

「因為... 我... 想... 見吓妳嘛。」我吞吐地回應。

Winnie臉紅紅咁笑着。

「係呢，聽講今日妳幫妳個friend Zoe個男朋友喺佢生日比驚喜佢喎。」我嘗試轉移話題。





「你又知嘅？」Winnie感到驚訝。

「係阿，今日放學見倒阿俊，佢同我講嘅。」

「哦，Zoe係我由中學就好好嘅朋友。今日同David去揀生日禮物比Zoe, 同埋同佢夾咗生日戈日點樣安排。」Winnie回應。

「你唔介意吖嘛，男班長？聽講今日有人見倒我同男仔一齊放學，個樣即刻頹哂喎。」Winnie恥笑着。

阿俊，你竟然出賣我？！

「哈哈哈，我點會介意！吖，我地到喇！」 我尷尬地回應。

我地上咗二樓一張細枱。今日間鋪冇乜人，所以唔洗搭枱。我叫咗個雪糕涼粉食，而Winnie就叫咗個什果西米露。





「請我食啲得唔得？我想試吓~」Winnie同我講。

「係妳先得昨！」我回應。

「口花花~」Winnie啤住我咁講。

唔知點解，今日嘅糖水零捨甜。

食完糖水之後，我先醒番起今日我未知真相之前個心有幾唔舒服。因此，喺行番去朗屏站搭車戈段路，我嘗試.......










以後我都會多啲主動約妳。