《毒L和初戀相識的日子》: 第二十六章 有口難言(上)

第二十六章 有口難言(上)

我地去到班房，互相睇吓對方篇文。Winnie睇完之後心情明顯好咗好多。

「寫得幾好喎，男班長。」Winnie微笑地對我講。

「邊係，妳仲寫得好啦。」

呢個時候Billy sir入咗嚟。





「大家好，又係我Billy sir。今日有兩個環節，頭兩個鐘玩遊戲，最後一個鐘講吓Powerpoint。而今日嘅遊戲係有口難言，相信大家都知點玩。」

「同大電視一樣，分為表演者同估答案。一陣我會show個題目喺screen, 表演者負責用任何方法演譯題目顯示嘅內容，但唔可以講題目嘅任何一個字。而估答案者就背向screen負責透過表演者估答案。」

「表演者同估答案者喺遊戲期間可以隨時換。仲有估唔倒可以pass估下一個。」

「一陣每組出嚟玩，每組時間8分鐘。照舊答啱最多戈組有獎品，最少就有懲罰。大家冇問題就分番組坐先。」

「你地想一陣邊個估，邊個表演？」晴晴問。





「我想估。」家怡回應。

「我都想估。」阿Paul回應。

「咁你地兩個表演好唔好？」晴晴問我同Winnie。

「好阿。」我地點頭回應。

我地係第二組出去，第一組估啱咗32題。





「好喇，第二組請出嚟。」

家怡，阿Paul同晴晴背向screen坐，而我同Winnie就企喺佢地前面。

「依家開始！」

[I phone]

「你個電話型號！」Winnie對晴晴講。

「I phone？」晴晴估。

「啱咗，下一題。」

[奧巴馬]





「美國總統！」 我對大家講。

「奥巴馬！」佢地三個一致回應。

[海洋公園]

「香港景點，小朋友中意去，多機動遊戲！」Winnie對大家講。

「Disneyland？」 家怡回應。

「四個字嘅。」我補充。

「海馬公園！」阿Paul回答。





「係海洋公園呀！」晴晴無耐地回答。

[跑步]

我同Winnie一齊做跑步動作，佢地一下就估倒。

[籃球]

我做一個射籃動作，佢地都即刻估倒。

一路都好順利，冇pass過。去到第三十幾條戈時，就出現咗一個我唔識演譯嘅題目。

[表白]

我同Winnie你眼望我眼，之後...












有時啲嘢，想避都避唔開。