《毒L和初戀相識的日子》: 第十六章 決定

第十六章 決定

到第二日，我如常早到等Winnie。等咗5分鐘左右佢就出現。

「Hello，男班長。」

「Hi。」

入到餐廳之後，我叫咗個支竹火腩飯，Winnie就叫咗個肉醬意粉。





「男人嘅浪漫喎。」

「係呀，我幾中意食。」

「係喎，有冇諗過星期六送咩禮物比晴晴？」Winnie問。

「冇呀，我都唔知佢中意咩。」

「咁不如我地夾份送？」Winnie提議。





「好呀。」

「咁一陣放學一齊去揀吖，你得閒㗎可？」

「好呀，冇問題。」

其實我未送過禮物比女仔。中學戈時比依家更毒L，更加好少女仔朋友。

到咗放學之後，Winnie帶咗我去旺角新之城。





「妳已經諗好送咩喇？」

「未㗎，幫手一齊睇吓。」

新之城入面好多小店，有賣精品，服裝，化妝品，夾公仔，小食店同埋扭蛋等等。

「不如送公仔？」經過二樓一間有公仔賣嘅舖頭，我問Winnie。

「唔好，雖然女仔中意公仔，不過送咗比人都冇乜用。我中學戈時都有人送過公仔比我，之後執屋我放咗喺床下底就冇理lu。」

「男仔送㗎？」

「唔知呢~」Winnie笑笑口咁望住我。

我地一路行，去到一間賣精品嘅舖頭。





「呢個銀包幾靚喎，不過咁貴。同埋晴晴都未必中意。」Winnie有點失望地講。

「妳中意？」

「咁貴，要慳番啲錢。」

我地再周圍行，最後去到一間精品店。Winnie睇中咗一隻印咗鬆弛熊嘅咖啡杯。

「晴晴話過中意呢隻熊，不如送呢隻咖啡杯比佢？」Winnie問我。

「好，就咁決定啦。」

毒L係好難做決定的。





比完錢之後，望吓電話已經八點。Winnie提議食埋晚飯再一齊番去。






做決定，其實都唔係好難姐。