《毒L和初戀相識的日子》: 第七章 融入

第七章 融入

同Winnie一齊番到I大，喺門口撞倒阿Paul同晴晴。

「咦，你兩個一齊番嚟嘅？」Paul奸笑地問。

「係呀，唔得咩？」Winnie笑住咁話。

「入去啦。」晴晴話。





毒L永遠都冇乜嘢講。

上到班房，就見倒家怡同另一個女仔傾計。

「Hey guys, good afternoon 呀，同你地介紹，佢叫Jenny。」

「Hello咁多位。」Jenny話。

「Hi,我係Winnie呀。」





「我係阿Paul呀。」

「我叫晴晴。」

「Joseph。」

Jenny比較細粒，估計米六左右。樣一般般，短頭黑髮。

「BB, 送比你㗎。」一個男同學拎住一袋嘢對Jenny講，應該係佢嘅男朋友。





「佢叫阿俊，係我男朋友。」Jenny話。

「hello 大家好。」

「佢係Winnie, 晴晴，阿Paul, 家怡，仲有，你叫咩名話？」

毒L存在感果然好低。

「我叫Joseph。」

「大家好。」阿俊回應。

我同Winnie照舊坐番琴日個位。

「我去一去廁所先。」我同Winnie講。





「嗯。」

入到廁所，阿Paul都跟埋入嚟。

「Joseph哥，幫你八咗喇。」Paul對我講。

「八咩？」

「未有男朋友，冇人追，A0。你快D去馬。」

「你up乜春？」

「頂你Joseph哥，咁都唔明？琴日晴晴問咗喇。」





「你，你講緊Winnie?」

「係呀，一眼就睇得出你對人有野。珍惜機會呀。」

「我..我..我又冇話對佢有嘢！」

「你自己諗喇，一陣比人搶咗，你唔好喊。」

阿Paul行咗出去。

毒L點敢主動做D咩吖，何況大家都未熟。

入番課室之後，就開始上堂。今次係個比較老嘅Miss, 叫Miss Chan。三粒鐘，原本好難頂。不過有咁可愛嘅Winnie坐喺隔離，又覺得時間過得好快。

「依家放十分鐘break。」





「好口喝呀。」Winnie同我講。

「我去買嘢飲，幫你買埋。」

「唔該你呀，男班長。」

雖然毒L係冇乜記性，不過我都仲記得Winnie中意飲朱奶。

「拿，請你飲。」我對Winnie講。

「多謝。估唔到你都幾細心喎。」Winnie微笑咁同我講。

「咁重要嘅嘢，我實記得嘅。」





「算你啦。」

落堂之後，Winnie話要出旺角同屋企人食飯，所以我就自己番去。






不知不覺地，我已經融入咗I大嘅生活。