再平凡不過嘅校園生活: 《五》

我返到屋企，拆開佢俾我嘅嗰信封，入面除咗有頭先影嗰張相之外，仲有一張寫滿字嘅卡紙，同埋一嗰米奇嘅鎖匙扣。
            
我記得，嗰鎖匙扣係一年前我屋企人同佢屋企人一齊去迪士尼嗰陣買嘅。嗰陣我哋兩個一齊玩完之後，係美國小鎮大街嘅紀念品店到一齊行嗰陣買嘅⋯⋯
 
「喂，我最近想買啲野送俾男仔啊，你有咩推介呀？」
 
「吓，咁你要睇吓送俾咩男仔喎⋯⋯」
 
「Errrr⋯⋯你當類似你呢種咁囉。」佢一路講，一路係鋪頭度周圍漫無目的咁望嚟望去。
 




「咁呀，實用啲會好啲掛」
 
「吓？咁呀⋯⋯鎖匙扣o唔ok 啊？」
 
「都得嘅⋯⋯」
 
「好！咁就買呢嗰啦！」講完佢就拎咗米奇嘅鎖匙扣去俾錢。我之後都有問過佢買俾邊個，但佢又懶神秘咁唔講，話唔係送俾兵，又唔係送俾男神，係送俾一個幾重要嘅男性朋友，仲話我遲啲會知。而家，我知啦。入面仲有張紙大概都係寫啲煽情嘢，我係咁而望一望就繼續做功課，將佢送俾我嘅嘢放係櫃桶到。
 
她到埗後，便即刻向我報平安，說一切安好，不必擔心。只是打趣地說一下機便下雨了，定必是我的思念之淚。我笑了一笑，叮囑她小心些，便放下話筒。起初，彼此都一星期約有一次的交談，但隨著她開學，而且我的學業日益煩重，便不了了之。