再平凡不過嘅校園生活: 《三》
食完飯就啦啦聲返學校搵老師。果不其然又係交帶咗一啲打雜嘅事宜，係咁而講咗一陣，敷衍吓老師之後就同玥雲分別，去搵我唯一一個，亦都係識咗好耐嘅異性朋友，詠妤。對於我呢啲毒撚嚟講，我淨係識得同呢個女仔相處。因為一出生之後佢一直已經出現係我嘅生活圈子，不過之後升咗唔同中學，都係青梅竹馬掛？但係有一樣真係唔明囉，人地啲青梅竹馬就講得幾正咁，咩好想同佢拍拖之如此類，我嗰個？不要再說了！
我準時到咗約好嘅老地方、Café到坐底等佢，其實都唔明點解約佢屋企樓下都可以遲。突然，一陣熟悉嘅梔子花香撲鼻而來，望都唔使望，一定係詠妤，得佢先有呢個特別但係幾好聞嘅味道。佢一野係後面用雙手拍落我膊頭：「Sor呀，遲咗少少！」然後先施施然坐我對面。
其實佢個樣又或者冇我講得咁差嘅，一把長髮之下陪住有啲chubby嘅面形，鑲著一雙水汪汪的眼晴，目光中但又彌漫著一種天真的性格，一張經常向上彎的嘴吧。個樣正正常，性格爽朗唔造作，幾麻甩，都聽佢講過有人溝嘅，但係係我面前，大家睇住大家大，佢再柒再差個面都見過，對我嚟講真係冇形象可言，鍾意佢？難啲囉！
「你應該有排都唔會嚟架啦，今餐我嘅，你係咪照舊飲Mocha?」我望一望個餐牌。「等陣，我要多個apple crumble，多謝曬～～～」我反一反白眼，走到櫃台前，話：「阿俊，我要兩杯Mocha 同埋一份apple crumble呀唔該！」阿俊點點頭，講「收到，私人再請你哋一份玫瑰花千層蛋糕，近排新野，同埋當請詠妤食埋呢餐囉！轉頭到！」
其實之所以嚟開呢到，係因為我嗰中學朋友係呢到嘅太子爺，我差唔多約朋友都係揀嚟度。而因為見得多，佢都知詠妤嘅存在。
「係呢，啲野執好曬未呀？一個人去到，啲野又唔齊，到時真係揦手唔成勢。」「吓，我諗齊掛，冇咪去到倫敦再買囉！」佢一面毫不在乎咁答。有時真係諗唔明，點解佢屋企人咁放心俾佢一個人去倫敦讀書。
「咁你又點呀，我記得你都唔係好好咋喎，你啲friend冇人同你同班。抵死啦！」
「唉，唔好提啦，成班計埋我先得七個男仔，一定俾你呢種公主病點到傻！啲女仔又多小圈子，又小氣。又要重新識人，唉！」我歎咗口氣。
「我話知你啊，喂，不過個千層蛋糕又幾好食喎，你試唔試下？」佢應該完全冇聽我講，淨係專心咁食佢個蛋糕。
「食食食，肥死你呀！你食啦，遲啲去到倫敦你冇啖好食添呀！」我搖一搖頭，飲一飲啖Mocha，好好咁享受大家相聚嘅一刻。我哋係café 講東講西，佢有時抱怨佢識嘅賤人，有時講下電視嘅劇集，有時講下佢偶像點點點，都幾開心嘅。
「喂！聽日三點鐘機場見啦！」佢用條脷舐一舐嘴角，嘗試抹走啲Mocha漬，我反一反眼，俾咗張紙巾佢，搖一搖頭。佢笑咗一笑，拎過我張紙巾，就彼此分別於Café 門外，各自返屋企。
我準時到咗約好嘅老地方、Café到坐底等佢，其實都唔明點解約佢屋企樓下都可以遲。突然，一陣熟悉嘅梔子花香撲鼻而來，望都唔使望，一定係詠妤，得佢先有呢個特別但係幾好聞嘅味道。佢一野係後面用雙手拍落我膊頭：「Sor呀，遲咗少少！」然後先施施然坐我對面。
其實佢個樣又或者冇我講得咁差嘅，一把長髮之下陪住有啲chubby嘅面形，鑲著一雙水汪汪的眼晴，目光中但又彌漫著一種天真的性格，一張經常向上彎的嘴吧。個樣正正常，性格爽朗唔造作，幾麻甩，都聽佢講過有人溝嘅，但係係我面前，大家睇住大家大，佢再柒再差個面都見過，對我嚟講真係冇形象可言，鍾意佢？難啲囉！
「你應該有排都唔會嚟架啦，今餐我嘅，你係咪照舊飲Mocha?」我望一望個餐牌。「等陣，我要多個apple crumble，多謝曬～～～」我反一反白眼，走到櫃台前，話：「阿俊，我要兩杯Mocha 同埋一份apple crumble呀唔該！」阿俊點點頭，講「收到，私人再請你哋一份玫瑰花千層蛋糕，近排新野，同埋當請詠妤食埋呢餐囉！轉頭到！」
其實之所以嚟開呢到，係因為我嗰中學朋友係呢到嘅太子爺，我差唔多約朋友都係揀嚟度。而因為見得多，佢都知詠妤嘅存在。
「係呢，啲野執好曬未呀？一個人去到，啲野又唔齊，到時真係揦手唔成勢。」「吓，我諗齊掛，冇咪去到倫敦再買囉！」佢一面毫不在乎咁答。有時真係諗唔明，點解佢屋企人咁放心俾佢一個人去倫敦讀書。
「咁你又點呀，我記得你都唔係好好咋喎，你啲friend冇人同你同班。抵死啦！」
「唉，唔好提啦，成班計埋我先得七個男仔，一定俾你呢種公主病點到傻！啲女仔又多小圈子，又小氣。又要重新識人，唉！」我歎咗口氣。
「我話知你啊，喂，不過個千層蛋糕又幾好食喎，你試唔試下？」佢應該完全冇聽我講，淨係專心咁食佢個蛋糕。
「食食食，肥死你呀！你食啦，遲啲去到倫敦你冇啖好食添呀！」我搖一搖頭，飲一飲啖Mocha，好好咁享受大家相聚嘅一刻。我哋係café 講東講西，佢有時抱怨佢識嘅賤人，有時講下電視嘅劇集，有時講下佢偶像點點點，都幾開心嘅。
「喂！聽日三點鐘機場見啦！」佢用條脷舐一舐嘴角，嘗試抹走啲Mocha漬，我反一反眼，俾咗張紙巾佢，搖一搖頭。佢笑咗一笑，拎過我張紙巾，就彼此分別於Café 門外，各自返屋企。