再平凡不過嘅校園生活: 《一》

  「唉，我唔想返學囉﹗」我一邊吃力地爬上回校的長命斜，一邊向我身旁的阿希訴苦。
 
    阿希：「你估我想咩！之前同班咗三年，突然F4先唔同班，要重新識過啲Friend之外，仲有我哋冇可能再同班啦！」他把手搭在我的膀上，繼續說道，「你應該感恩啦，入咗文科班，咁重女！我呢？成班得四個女仔咋！好後悔讀理科囉！」
 
  「得啦！到啦我，bye！」我笑了一笑，頭也不回地走入了4A班房，只見阿希在走廊對我舉一舉中指，便行回他4C班房。
 
    我隨便找一個沒人的位子，便坐下來，四周張望，發現不少人已成了一個個不同的小圈子，早已有朋友結伴。身為毒撚的我，只好歎了一口氣，安份守己般坐咗自己位子，望天打掛。
 
    果然，正如我所估計咁，班房啲人陸續返到，但係沒一個想同我坐。結果，班主任入嚟個陣，得返我隔離係冇人坐。
 




  「好啦，大家好，我係你哋嚟緊三年嘅班主任，仲係大家嘅中文老師，我叫miss許，又或者可以叫我Emily都得！話曬我都係大大家幾年啫！」Miss 許一路笑，一路向我哋介紹自己。Miss 許身材姣好，而且年輕貌美，其實你話佢係同學我都信呀！　
 
   「咁我哋而家⋯⋯」話音未落，突然有一個女仔衝咗入嚟，說：「Sorry 啊，遲咗到。」佢對著Miss 許尷尬笑一笑，望一望班房，發現特得返我身邊個空位，便急急腳走過嚟坐。
     
     一坐低，佢就同我揮一揮手，道：「HI！我係Samantha！你可以叫我玥雲，你係咪阿銘？」我尷尬笑一笑，打量著呢位未來三年嘅同學。佢留著一縷長髮，戴著時下常見嘅圓框眼鏡，但都遮唔著佢精靈嘅雙眼，面上永遠都掛著一個笑容。  

   「好啦，咁而家簡班長啦，ER，既然你遲到，咁你做女班長啦！你係．．．陳玥雲，Samantha 。我俾你簡一個男仔做男班長啦！」Miss許望著玥雲。佢諗咗一諗，望一望我，就指著我話，「就佢啦！」我呆咗一呆，Miss許：「好！咁你就係．．．周逸銘，Matthew。Ok，咁一陣Lunch Time你地落一落搵我，我有啲野要你地幫手。至於座位，ER，唔調啦，有咩問題先算啦！」 
   
   我望著玥雲，佢對我伸脷笑一笑，講：「係咪唔可以先！見你咁毒，俾啲機會你，唔使多謝姐姐！」  





   天啊！我竟然要同啲咁嘅人坐，睇嚟之後嘅日子都好難摺讀啦！