[愛情走糖故]兩個人心底中不為人知嘅秘密,成為兩個人間嘅牽引: 145.想清楚，真的要

凌御生望住夏巧莘，心中當然知道夏巧莘仲係因為自己之前講嘅嘢而嬲，但係又唔知要點樣氹番佢先好
夏巧莘嬲嘅，唔係因為佢上次喺天台講嘅嘢，而係因為凌御生一直推開自己，一直拒絕自己
明明大家都愛着對方，但點解就唔可以一齊？夏巧莘先唔信命運，因為命運可以由自己改變
凌御生冇完全鬆開手，兩人嘅指尖仍然相互扣着，夏巧莘一直都唔望凌御生，心中仍然悶悶不樂
「夏巧莘，你仲係唔原諒我？」凌御生見夏巧莘仍然嘴巴緊合先緩緩再開口
夏巧莘冇即刻回答，喺心中思量着應該如何回答先啱
夏巧莘唔中意凌御生？當然唔係啦！只係夏巧莘想比啲時間自己同時，亦想比啲時間凌御生
想凌御生再諗清楚，因為佢真係唔想下次又有呢啲事嘅時候，凌御生會為自己嘅選擇而後悔
凌御生因為夏巧莘猶疑不決嘅樣子而非常擔心，企都企得唔自在，喺佢心中真係百感交集
佢怕，怕夏巧莘真係唔原諒自己，真係唔同自己一齊




佢嬲，嬲自己一而再、再而三咁為自己嘅決定而猶疑不定，令夏巧莘對自己冇信心
佢難過，因為眼見夏巧莘難過，所以佢都難受
正當凌御生仍然擔心緊夏巧莘會講啲咩嘅時候，夏巧莘終於開口
「我原諒你，但…我想你再諗清楚啲，我唔想你下次又後悔。」夏巧莘點頭示意原諒凌御生，眼見凌御生聽完自己講嘅嘢想回答，夏巧莘頓時伸手，指尖輕落喺凌御生嘅唇上，「你唔洗答我啲咩，我想你再諗清楚，真係諗清楚…」
凌御生想即刻、立即、馬上就回答夏巧莘佢唔會再後悔，因為佢已經決定咗要同夏巧莘一齊
但夏巧莘一臉認真要佢再三考慮諗清楚，凌御生亦不得不答應
「嗯…」凌御生點點頭，「但我－－」
凌御生想講「但我真係真心想同你一齊」嘅時候，夏巧莘踮起腳尖，微微合上眼，喺凌御生嘅唇上輕輕落下一個吻
凌御生愕然咁望住夏巧莘，夏巧莘搖搖頭，微微一笑
「我嘅答案，一直都一樣。」夏巧莘微笑道，「由中意你嗰日起，就冇再變過。所以…要認真諗清楚，比個答覆我，無論你最後嘅決定係點都好。」




凌御生點頭答應，心中又有啲心動起嚟
眼前呢個女仔，點解咁善解人意？點解對自己咁好？佢果然係上天派落嚟嘅天使
夏巧莘先鬆開凌御生嘅手，然後雙手擺喺背後，帶着微笑後退咗兩步，便轉身走向天台嘅門，開門離開
「我果然冇愛錯人…」凌御生彷彿自嘲一樣笑道
冇夏巧莘，亦冇今日嘅凌御生，凌御生可能仍然係個「小渾渾」，仍然會成日逃課，喺屋企虛耗青春同光陰
夏巧莘嘅出現改變咗凌御生，應該話，夏巧莘喺凌御生嘅身邊之後，慢慢改變咗凌御生
初嚐戀愛滋味，先發現戀愛並唔係只有甜，仲有苦
當兩個人真心相愛嘅時候，甜酸苦辣其實都稱唔上啲咩，都只係配菜一樣嘅存在，因為兩個人之間嘅愛先係重點
凌御生雙手插住褲袋，自己一人低頭甜絲絲的笑着，似乎夏巧莘比佢嘅「驚喜」係冇盡頭，永遠都會有突然嘅舉動令佢心動起嚟
「你咁樣，我有咩辦法唔愛你…？」凌御生一人喃喃自語，然後用手掩臉無奈一笑





IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link