[愛情走糖故]兩個人心底中不為人知嘅秘密,成為兩個人間嘅牽引: 104.想太多了！

「我真係有能力保護佢咩…？」凌御生喺心中問自己，望向嗰個安心咁瞓喺床上嘅夏巧莘
凌御生望向窗外，街道上十分冷清，冇人走過亦冇車駛過，只有昏暗嘅街燈照着空無一人嘅街道，呢種時間…大概係最憂傷，最令人多愁善感嘅時候…
凌御生都快要坐咗2個鐘，夏巧莘一個轉身，手自然地摸摸旁離嘅位置，但係身邊空無一人，床上只有自己，夏巧莘面向住書枱嗰邊，見到喺窗檯上坐咗一個人
夏巧莘掀開被子落地，行到凌御生旁邊，喺佢前面嘅空位坐低
「仲唔瞓？」夏巧莘柔聲問道，背靠着玻璃坐
「你醒咗嘅？」凌御生微微一笑
「你唔開心呀？」夏巧莘從凌御生嘅表情中睇得出凌御生唔開心
凌御生冇開口回答，只係搖搖頭，然後伸手放喺夏巧莘頭上
「你唔開心呀？」夏巧莘第二次問道
「冇呀…」凌御生搖搖頭




「你講大話…」夏巧莘轉身面向着凌御生，跪坐喺窗檯上，伸手攬住凌御生，「你明明就有心事…」
凌御生曲起雙腳坐着，一下子攬住夏巧莘，用力拉夏巧莘到自己懷中，夏巧莘坐喺凌御生雙腿之間
「聽講Kiss可以令難受減少…」夏巧莘雙手攬住凌御生嘅頸，壓低咗聲線顯得格外誘人
「你咁樣算你誘惑我？」凌御生勾唇一笑
夏巧莘未來得及回答，凌御生直接就堵住佢嘅唇，完全冇鬆開嘅打算反而愈吻愈激烈，胸口起伏嘅次數亦愈嚟愈頻密
凌御生一下子橫抱起夏巧莘，離開窗檯走到床邊，將夏巧莘放到床上，右邊一下子就跨過咗夏巧莘嘅雙腿，直接給一個床咚
「你成日都咁樣誘惑我，我唔係忍得好多次…」凌御生熾熱嘅氣息噴灑喺夏巧莘嘅臉上，熱吻過往仍然未能平伏呼吸
「所以呢？你想做啲咩？」夏巧莘勾唇一笑，眼神帶點迷離，快要將凌御生嘅魂魄都勾走
「你再誘惑我，我嘅理智就要忍唔住啦…」凌御生低頭喺夏巧莘嘅耳骨上輕輕一咬，然後喺佢耳邊吹了一口氣
凌御生低頭又吻，夏巧莘完全冇反抗，乖乖地比佢錫，享受着呢一刻自己正將呢個男仔獨佔着




「你唔怕忍唔住呀？」夏巧莘嘅手輕輕推着佢嘅胸膛柔聲問道
「你怕我忍唔住？」凌御生柔聲反問道，佢嘅溫柔只會比眼前呢個女仔
兩個人之間其實早就超越咗「曖昧」嘅地步，宜家喺兩人之間似乎…只差一個名份
「叩叩…」突然傳嚟嘅叩門聲將兩人嚇壞了，兩人頓時分開
凌御生尷尬咁乾咳咗一聲，伸手撥一撥頭髮，然後開咗床頭燈就行去開門
「做咩呀…」凌御生一打開門就見到凌天傲企喺門前，臉上嘅紅霞都未散去
「睇下你同新抱仔瞓咗未咋嘛…」凌天傲有啲尷尬咁講道，然後塞咗一盒嘢入凌御生手中，「呃…唔好太過份呀，做好安全措施…」
凌御生望一望個盒面，上面寫住「0.01超薄安全套」
「老豆，你諗多咗啦！」凌御生都唔知要講咩好，心中更尷尬
「明嘅明嘅，老豆都後生過…我瞓啦…」凌天傲講完就轉身走，行向走廊尾嗰間房推門入去




凌御生一臉無言咁望住手上嗰一盒安全套
「做咩事呀？」咩都唔知嘅夏巧莘天真咁問道，「叔叔搵你做咩呀？」
凌御生拎住盒套，然後回頭望夏巧莘，舉一舉起比夏巧莘睇
因為啱啱開燈，眼睛一時間適應唔嚟，夏巧莘眯起眼睛睇
「佢叫我地唔好太過份，做足安全措施…」凌御生尷尬咁撥着頭髮，行番去床邊，「佢以為我地會…咩…」
夏巧莘聽到之後瞬間羞紅了臉頰，捉住張被，就算唔洗睇都知道嗰盒係咩啦
「咁宜家唔洗怕我忍唔住啦～」凌御生勾唇一笑，將盒套放喺床頭櫃上並閂上床頭燈，一爬上床就攬實夏巧莘
「喂！」夏巧莘想走都走唔切，「唔準呀！」

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link