[愛情走糖故]兩個人心底中不為人知嘅秘密,成為兩個人間嘅牽引: 102.暫時的別離也是冷靜的一種

「做咩事啦？」凌御生摸摸夏巧莘嘅秀髮，柔聲安慰道
夏巧莘微微抬頭，雙眼都紅起嚟，臉上都有淚痕
「你睇你，喊到隻眼紅晒啦…」凌御生伸手輕輕替夏巧莘抹起眼淚，佢對夏巧莘總是這般憐愛，「到底發生咩事啦？你同夏學謙做咩呀？」
凌御生拉住夏巧莘去一旁嘅長櫈坐低，夏巧莘一邊抽泣一邊講出啱啱發生嘅事，當然避開咗講自己好中意凌御生之類嘅說話
凌御生一邊聽，眉頭深鎖着，愈聽落去，心中就愈擔心，原來情敵就喺夏巧莘旁邊，係佢最親嘅人
「難怪佢咁討厭我啦～」凌御生無奈一笑，伸手將夏巧莘擁入懷安慰着，「坐多陣送你番去好唔好？」
「對住佢好尷尬，宜家我都唔知點算好…佢突然間咁樣…」夏巧莘心中覺得更無助，側過身緊緊咁攬住凌御生，「我唔想番屋企…好怕見到佢，好怕佢突然間又講啲咩…」
凌御生見夏巧莘喊到雙眼腫腫的，心中既心疼又難受
凌御生諗都冇諗過，原來夏學謙真係中意夏巧莘，最大嘅情敵一直就同夏巧莘一齊，仲要係同一屋簷下
「你唔介意嘅話，我收留你一兩晚又點話？既然喺屋企對住佢尷尬嘅話。」凌御生微微一笑道，「陪你番屋企拎衫褲都得。」




「真係得咩？但…」夏巧莘抽抽鼻子，雙眼紅紅的望住凌御生
「你會覺得唔好意思㗎咩？都瞓過咁多次啦～」凌御生無奈一笑，「真係唔緊要。但如果你唔想就算啦～」
最後凌御生都係陪夏巧莘番屋企拎衫褲，凌御生企喺門口等夏巧莘
夏巧莘用鎖匙開門，開咗門就除鞋入房換袋同拎咗衫褲同後備內衣放入平日番學用嘅補包中
夏學謙見夏巧莘番嚟都冇出聲，但係見到佢冇閂門，便打算行去閂番門，但一行到去門口，就見到凌御生企喺出面背靠住牆
「你喺度做咩？」夏學謙嘅語氣極之冷漠
「等你家姐。」凌御生亦冇比好面色佢睇，因為佢令佢中意嘅人傷心，然後冷冷一笑，企好起嚟行到門前，細聲道，「原來你就係我情敵。」
「我係中意佢又點。」夏學謙更睇凌御生唔順眼，夏巧莘咩都同凌御生講，「都唔知家姐中意你啲咩。」
「Sorry，你家姐揀咗我。」凌御生聳聳肩，勾唇一笑
佢講完呢句嘅瞬間，夏巧莘喺睡房行出嚟，喺夏學謙旁邊著番鞋行出門口




「家姐…」夏學謙輕皺眉頭，喺夏巧莘著好鞋準備踏出家門嘅前一秒，夏巧謙伸手捉住佢嘅手腕
夏巧莘冇答任何嘢，只係默默轉動着手腕想掙脫
「你比你家姐冷靜下啦…」凌御生捉住夏巧莘同夏學謙嘅手，將佢兩個分開，然後將夏巧莘拉到自己身後
凌御生回頭望夏巧莘，柔聲道：「行啦…」
夏巧莘跟喺凌御生身後，二人落到樓下，凌御生嘅車就停咗喺樓下
凌御生打開副駕嘅門讓夏巧莘上車，夏巧莘全程都冇出聲，直到番到凌御生屋企
凌御生打開家門，屋企得老豆一個，開門嘅瞬間，凌天傲喺書房行出嚟
「新抱仔，你上咗嚟嘅？」凌天傲行出客廳
「佢屋企有啲事，喺度瞓兩晚。」凌御生沒解釋太多，只係講咗重點出嚟
「哦，好呀。」凌天傲笑一笑




「打擾了…」夏巧莘微微點頭彎腰，早就喊到攰
「你入去換件衫先啦，我轉頭入嚟。」凌御生回頭對夏巧莘講，伸手摸摸夏巧莘嘅頭
凌御生喺客廳換衫，將身上嘅衫褲除咗落嚟，換上喺屋企著嘅灰色短褲同T-shirt
將夏巧莘上次嚟用嘅面巾同牙刷先放到洗手間
「叩叩…」

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link