[愛情走糖故]兩個人心底中不為人知嘅秘密,成為兩個人間嘅牽引: 75.真心話

的士駛到去海傍附近嘅公園外停低，夏巧莘扶住凌御生行到去一張長櫈上坐低
夏巧莘靜靜咁坐喺凌御生隔離冇出聲，凌御生閉起眼仰頭感受着深夜時份嘅微風
過咗一陣，夏巧莘終於開口
「你好啲未呀？」夏巧莘關心地問道
「嗯…」凌御生細聲咁嗯咗一聲
「咁我番去先啦…」夏巧莘企起身嘅同時，凌御生一手拉住佢
「陪我。」呢兩個字喺凌御生嘅口中講出嚟，意外地成為一個強烈嘅命令，或者只係因為飲醉咗嘅關係
夏巧莘企喺原地回頭，凌御生直勾勾地望住佢
望住凌御生，聽到佢嘅「命令」，夏巧莘乖乖咁坐番低，留喺凌御生嘅身邊陪佢
「做咩唔出聲…？嬲我搵你做擋箭牌…？」凌御生睜開眼，坐好起嚟


「冇…」夏巧莘搖搖頭
「唔開心？」凌御生問道
「唔係…」夏巧莘都搖搖頭
其實夏巧莘冇唔開心或者嬲，只不過係因為第一次見到凌御生真係飲醉所以唔知點好，而且仲要見到兩次嗰個濃妝艷抹嘅小姐姐伸手捉住凌御生嘅手，縱使凌御生一下子就甩開了
「呷醋啦…？」凌御生突然一笑，吐出三個字
夏巧莘冇講嘢，只係微微耷低頭，望住自己比凌御生拖住嘅手
正因為好中意呢個男仔，所以其他女仔掂一下都係搶一樣，自己最寶貝嘅又點可以比人搶走？更何況見到兩次？
第一次離遠離到，心中已經有啲在意；第二次喺正隔離見住，心中更加不爽
有種衝動想直接推開嗰個女仔，然後霸道地講道：「呢個男仔係我㗎！」，但係夏巧莘冇一個身份去講
但啱啱喺車上面，凌御生直接就將自己拉到懷中低頭就吻，夏巧莘諗到呢度，心中就甜絲絲的


「真係？」凌御生側着頭望向夏巧莘，揚起嘴角
「冇…」夏巧莘微微一笑，趁機轉移話題，一臉擔心地問道：「你好啲未呀？仲頭痛呀？」
「嗯…仲有小小…」凌御生輕皺眉頭
「買枝水比你洗唔洗？」夏巧莘溫柔地問道，輕輕捉緊凌御生嘅手
「唔洗…」凌御生搖搖頭，然後將頭靠喺夏巧莘嘅博頭上，「你喺度陪我就得啦…」
「嗯…」夏巧莘微微點頭，由得凌御生靠喺佢博頭上
夏巧莘稍稍挺直腰板坐，等凌御生靠得舒服啲
凌御生偷偷一笑，安心咁靠喺夏巧莘嘅博頭上
良久，夏巧莘開口講嘢
「你好少會咁醉…你有心事咩？」夏巧莘問道


「今日突然間想落酒吧飲酒…」凌御生緩緩開口道，「試咗隻新酒…酒精好濃…飲咗兩杯已經醉醉地…」
「咁睇嚟我飲嘅話，應該一杯已經醉。」夏巧莘笑一笑
「唔好再做陪酒…」凌御生坐好起嚟，認真咁望住夏巧莘，「我唔批准…」
縱使係飲醉咗，但係思路都係清晰，講出嚟嘅說話都係心聲
「要你批准？」夏巧莘挑起眉笑了笑
「你係我嘅嘢，當然要我批准…」凌御生湊近夏巧莘
「都唔知你係真醉定假醉呢～」夏巧莘無奈咁講道，微微一笑，但卻喺心中有少許生氣咁講道：「又話唔中意我，但又講咁多曖昧嘅說話…講到好似係中意我咁…但係你就話你唔係…」
「真醉又好假醉又好，講嘅係真心話咪得…」凌御生講完之後，伸手攬住夏巧莘嘅腰，「唔係咩？」
「明明唔係中意我，點解要做咁多嘢？」夏巧莘雙眸中本來閃耀着嘅光突然暗淡咗
「哈…你覺得我唔中意你…？」凌御生冷笑一聲反問

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link