[愛情走糖故]兩個人心底中不為人知嘅秘密,成為兩個人間嘅牽引: 72.70%合拍

「我想成為你心中最特別嘅存在。」夏巧莘喺心中講道，「好想快啲同佢一齊溫書呢～」
Ella_hs：你幾時生日呀？
A_lryosna：1月6，你幾時
Ella_hs：3月14
Ella_hs：你係魔羯座呢～
A_lryosna：果然女仔都中意計星座
Ella_hs：睇下我地有幾合拍嘛～
A_lryosna：咁我地有幾合拍呀？
Ella_hs：有70%呢～
A_lryosna：點解唔係100%？




面對凌御生突如其來嘅問題，夏巧莘有啲愕然
Ella_hs：咁你同我一齊咪100%囉
今次夏巧莘反撩凌御生，凌御生不經意就露出微笑，心臟又再次開始加速跳動
Ella_hs：哼！我上堂先啦！
夏巧莘send完之後直接將手機塞入裙袋
…
到咗午飯時間，夏巧莘同嘉怡一齊落去小食部
「我想去買嘢飲。」夏巧莘同嘉怡講道
「好呀。」嘉怡跟喺夏巧莘身後，行到去飲品機前面
夏巧莘喺銀包入面拎咗$4.5出嚟放入硬幣位




正當佢諗住㩒嘢飲嗰陣，突然有一隻手喺隔離伸出嚟，㩒咗一包維他奶
夏巧莘循住手嘅方向望去，微微鼓起兩泡腮
「喂呀凌御生…！」夏巧莘望住凌御生，嘉怡喺旁邊偷偷地笑
「多謝你包嘢飲。」凌御生調皮地將飲管插入錫箔紙，迅速放入口中飲咗一啖
「你奸矛！」夏巧莘掐咗凌御生嘅手臂一下
「咁你唔介意飲我口水尾嘅話，比番你囉～」凌御生將包維他奶遞到夏巧莘面前
「唔要呀！」夏巧莘撇開臉
「我去買嘢食呀。」嘉怡識趣地笑一笑行開，喺夏巧莘耳邊講道：「唔阻你地啦～」
夏巧莘再投入硬幣，㩒咗包維他奶
「你咪又係飲維他奶～」凌御生輕輕一笑，故意逗她道：「咁做咩唔飲我嗰盒啫？又要買多盒。」




「費是飲完你口水尾要聽晒你話…」夏巧莘講道
「但你飲過我口水。」凌御生喺夏巧莘嘅耳邊低聲說
「你唔好講到咁得唔得啫…」夏巧莘帶着泛紅嘅臉頰一臉嫌棄咁望住凌御生
「咁我直接啲囉～」凌御生笑一笑，「我地錫--」
夏巧莘頓時伸手蓋喺凌御生嘅嘴上
「作死呀？」夏巧莘嘅臉頰愈嚟愈紅，小聲說道
凌御生笑而不語，捉住夏巧莘嘅手腕將佢嘅手移開，伸手輕輕拍一拍夏巧莘嘅頭，就拎住維他奶轉身走，行去小食部入口同鍾家豪一齊行番上去
夏巧莘望住凌御生嘅背影，心又再次唔爭氣咁跳動
「心動啦？」嘉怡見到夏巧莘愣住了，便懾手懾腳行到夏巧莘旁邊，喺佢耳邊講道
「咦…？你買完啦？」夏巧莘比嘉怡嚇咗一跳，頓時望過去
「買完啦～係你望住人地個背影望到入晒神先唔知咋嘛～」嘉怡故意喺「人地」呢兩個字上落重音，刻意揄挪道
「冇囉…」夏巧莘心虛咁撇開臉並轉移話題，「番上去啦。」
上到3樓，經過凌御生嘅課室時，夏巧莘不自覺就往凌御生嘅座位望去
凌御生正坐喺書枱上面，手中拎住鍾家豪嘅木結他自彈自唱着
此時凌御生剛好抬頭，見到喺走廊經過嘅夏巧莘，於是微微揚起嘴角




夏巧莘露出甜美嘅笑容，然後微微耷低頭行到去隔離自己嘅課室
宜家先知道，原來當真係中意咗一個人嘅時候，對方做咩都格外耀眼
心動…根本就唔係一件難事

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link