【港產片系列】獵殺影評人: 後記

總編輯剛接到Suki打來的電話，知道她和毛里平為逃避鐡漢的追殺，會過澳門暫避。

掛線後，總編輯立即打給鐵漢，電話沒人接聽，差不多一小時後，鐡漢看到未接來電，才打回給總編輯。經了解後知道所發生的事都只不過是誤會，碰巧鐡漢也要到澳門工作，總編輯打算等大家都抵歩後，安排雙方在澳門把誤會解開。

就在此時，總編輯的老婆來電。

總編輯：「老婆，妳唔係喺大陸玩緊嘅咩？點解打電話俾我，好掛住我咩？」

總編輯老婆：「冠希，我有嘢想同你講，你而家得唔得閒？」





總編輯：「OK呀！妳講啦！」

總編輯老婆：「我想同你離婚，因為我啱啱識咗個男人，我哋一見鍾情，佢令我明白乜嘢係真愛！我唔想隠暪你，亦唔想呃自己，所以要同你分開同佢喺埋一齊。」

總編輯：「吓！妳識咗佢幾耐呀？妳了解佢咩？咁快就決定喺埋一齊？妳知道佢真係鍾意你咩？咁我點呀？」

總編輯老婆：「你唔好咁激動！了解一個人唔係用日子去衡量㗎，我哋尋日喺酒店足不出戶，瘋狂做愛24小時，我身體嘅每一吋、佢身體嘅每一吋，大家都非常咁清楚。而且佢俾到我嘅滿足感，係你從未俾過我㗎！」

總編輯：「太突然啦！幾日前我哋仲係好地地㗎，點解無端端俾頂綠帽我戴？」





總編輯老婆：「冠希呀！你諗嘢唔好咁自私先得㗎，乜嘢俾綠帽你戴啫？我哋咁多年夫妻，你都想我幸福㗎。」

總編輯：「幸福？妳跟住我做陳太唔幸福咩？又唔駛返工，得閒又可以約啲friend去旅行，簡直係少奶奶生活啦，咁仲唔夠幸福咩？」

總編輯老婆：「Sorry呀，我識咗佢先知道，我追求嘅唔係物質，而係靈慾一致呀！你明唔明呀？由心到身都無分彼此，互相了解同滿足對方嘅一切。即係，我同佢口交，舒服嘅唔只係佢，我都會舒服㗎……」

總編輯：「夠啦！離婚就離婚！唔好再講埋啲鳩話！」

總編輯老婆：「唔講咪唔講囉……不過，我同佢都無嘢做，所以住緊層樓我想你俾埋我，咁多年夫妻，你都唔想我無瓦遮頭㗎……」





總編輯再忍不下去，狠狠地掛了線。

「所謂婚姻，原來係咁兒嬉嘅！乜嘢天長地久、乜嘢地老天荒，全部都係呃人嘅！我咁尊重妳，明明公司有件垂手可溝嘅Suki我都忍手唔溝，食我嘅住我嘅妳竟然俾綠帽我戴！」總編輯越想越氣，越氣就越想。

「都係自己戇鳩，不溝白不溝！趁Suki以為俾鐡漢追殺，我不如提供假嘅情報，加強佢嘅恐慌，然後就以英雄救美姿態現身佢面前，仲唔可以將佢手到拿來？」大受打擊下，總編輯心起邪念。

Suki性格主動、爽朗、不怕生，一直以來，自命儀表不凡的總編輯也誤以為她對自己有意，但因有家庭而壓抑自己作進一步行動。可是在潛意識中，早就當她是私有品，不想她和其他男同事有太親蜜接觸，故此升她為編輯，待她留在報館工作，方便留意她的一舉一動。

若發覺有任何男同事對Suki有意，都會透過工作調動和安排，令接觸她的機會減少。就好像Suki和毛里平去澳門，他便要求他們分開酒店，目的是不想Suki和別的男人走得太近。

本來藏在總編輯心裡的妄念，卻因他老婆突然外遇提出離婚而爆發出來，繼而發生了澳門XX酒店侵犯Suki事件，並被毛里平用床單綁起留在洒店。

Suki和毛離開房間不久總編輯已可自行鬆綁，出了酒店的他，覺得自己變得一無所有，身邊的女人都出賣他，心裡恨意燒得熾烈，心理已達崩潰邊緣。任何人看到他此刻猙獰的面容，以及一邊行一邊自言自語，都會認為定他是瘋子。

「係個衰婆俾綠帽我戴先搞成咁！我要返大陸刮對姦夫淫婦出嚟！我唔會俾你哋好過！一於閹咗個姦夫！睇下你哋仲點樣靈慾一致？！」





—全書完—