埋舟: 第八日•早

第八日•早

這是前所未有的安睡，睡前的飽吃一頓令我這一眠特別甜特別香，當然更重要的原因是因為我快將成為遊戲最後的勝利者，可以為18號報仇。

「嗞~」平日刺耳的聲音不知為何，今次覺得特別動聽，WKY透過喇叭宣佈遊戲繼續、挑起我和59號的爭勝心云云，但實情是59號已一早坐在床邊，等候我發落。說句坦白話，我真的意想不到他是如此信守承諾。

「食埋個早餐先喇。」我坐起身對他說：「其實點解你唔逃走？」

59號挺直身子、坐姿端正，豪氣的說：「男人大丈夫，一就一，二就二，講好咗話遊戲定生死，我輸咗就願賭服輸，我唔驚死，最驚係未玩夠就死，琴日同你玩咗場咁刺激嘅遊戲，可以話死而無憾，所以我唔會反抗。」





想不到一個如此瘋狂的人冷靜下來是如此豪邁，若我們不是在此環境情況下相遇，我相信我必定能和他成為好朋友。

「好，咁我都會畀你痛快，以表我對你嘅尊重。」我邊咬著包邊說，同時向他遞上一個包：「做隻飽鬼，食喇。」

這個早餐時間十分平靜，昨日的所有情緒也不復存在。早餐後，我們走出安全屋，59號跪在門前，我伸手按著木桶沉重的說完打沉59號後，他的頭便在我眼前爆開，血和腦漿散落一地，而其中一隻眼球也飛到我跟前，連著神經線，正好看著我，但不是充滿憎恨、哀怨，反而是惺惺相惜、識英雄重英雄的感覺。

在我打沉59的同時，「嗞」的咪高峰反饋聲也響起，想必這次是最後一次聽到了，WKY的聲音緊隨著在樹林裡環迴著。

「Goal~恭喜哂11號，你成為我哋嘅最終勝利者，根據你嘅打沉數，之前埋咗舟嘅13號係被判為落敗嘅，所以佢已經被處以爆頭之刑喇。」





幹！我完全想不起這件事，當時是我鼓勵她埋舟的，想起來是我間接害死她，估計她死時一定在不斷咀咒我，真的對不起，但如果不是我讓她埋舟，可能她很早便被打沉，現在能多活幾天，應該要感激我吧，我決定朝這方向想，因為這會令我的罪惡感減退。

「勝出嘅11號，你係最強嘅王家欣，請你原地等一陣，我哋會派人嚟接你返去。」WKY續說，而我頸上的炸彈也解開了，我連忙除下它把它丟得遠遠的，生怕它突然爆炸。

「拂……拂……拂……」直升機旋翼劃破空氣的聲音由遠而至，看來主辦方真的打算讓我活著離開。

「走呀Five，呢個係陷阱呀！」突然有一個身負重傷的人在樹林中衝出來對我大叫，是一個穿著黑色潛行裝的男人。

「咩Five呀？你噏乜？我唔識你嘅，你乜水？唔好行埋嚟呀，睇你奇奇怪怪咁，想點？」我喝令潛行裝男人，而他也識相的站著沒有走近。





「Five，聽我講，我係Zero，咳咳，快……快啲走，唔好畀佢哋捉到你，咳咳，呢個係陷阱！」這位自稱Zero的潛行裝男人堅持說，但看得出他非常辛苦，而鮮血依然不斷湧出，不像是假裝。

我猶疑了，直升機正盤旋降落，我幾乎可以離開這鬼地方回家，但眼前這個Zero又有一種說不出的熟悉感，我心入面不自覺的相信他。

Zero見我仍然舉旗不定，於是說：「唔好諗咁多，跟我走，我唔會害你，邊行邊同你解釋，再唔走就遲㗎喇！」說完他又再咳嗽，血沿著左手滴在地上。

「好喇，我跟你走，但你要講我知發生咩事。」我衝過去扶著他，往樹林深處走去。

「好惡，佢逃走咗！」

「快啲追，唔好畀佢走甩！」

「我哋分頭搜，你哋去呢面，我哋去嗰面。」

「捉唔到佢會令我哋個團蒙羞，一定要捉到佢！」





隨著我深入樹林，這些聲音便越來越細聲，但我可以肯定的是，主辦方沒想過讓我活著離開。

為免主辦方能透過血跡尋找到我們的行蹤，我把身上的衣服脫下撕成數塊，摀著他的出血位，短暫能避免血液滴在地上。

除了血跡，樹林四處安裝的攝錄鏡頭也會透露我們的行蹤，唯一有機會避開這些追蹤的地方只得一個。

「首先要幫你止咗血先，我知有個地方應該安全，有急救物資，就喺呢度附近，我帶你去先。」我扶著Zero，一拐一拐的向Paradise走去。

我把他帶到教堂，隨手在教堂內拿了一些急救用品，便走到地下室。我一邊替他止血包紮，一邊問：「點解你叫我做Five，點解你會受咁重嘅傷？」

「講起上嚟就長篇，不過首先你望住我隻手指。」我依他所說去做，他手指柔軟的搖擺著，就像隨波逐流的海草般，神奇地，我竟然看得非常入神，他此時輕聲的說：「夠鐘喇，起身喇，唔好瞓喇，做返自己喇，醒！」